Қарағанды тұрғыны 783 гр мефедронды заңсыз сақтағаны үшін сотталды

Мәселен, сәуір айында полиция басқармасының қызметкерлері "Қарағанды-жолаушылар-Майқұдық" аралығының темір жол бойындағы Қарағанды-Сұрыптау станциясында көлікте жедел — іздестіру іс-шараларын жүргізу барысында тыйым салынған заттарды заңсыз сақтауға қатысы бар деген күдік тудырған қаланың 33 жастағы тұрғынын ұстады. Бұл туралы Көліктегі ПД бастығының бірінші орынбасары Рамазан Теміржанов мәлімдеді.

Оның айтуынша, жеке тінту кезінде ер адамнан белгілі бір иісі бар ақ түсті ұнтақ заты бар 281 полиэтилен пакеті табылып, тәркіленген.

- Сот сараптамасының қорытындысына сәйкес, алынған зат синтетикалық есірткі — жалпы салмағы 783 г мефедрон болып табылады, — деп атап өтті ол.

Осы факті бойынша сотқа дейінгі тергеу жүргізілді. Жиналған дәлелдер ұсталған адамның кінәсін растады.

- Шілде айында Қарағанды қаласы Қазыбек би аудандық сотының үкімімен ер адам кінәлі деп танылып, 4 жыл 8 айға бас бостандығынан айырылды, — деп қосты ол.

Көліктегі ПД есірткінің заңсыз айналымына қарсы күрес қызметтің басым бағыттарының бірі болып қала беретінін атап өтті. Жыл басынан бері көлік полицейлері 243 есірткі құқық бұзушылығын анықтады, оның ішінде есірткі заттарын өткізудің 44 фактісі, контрабанданың 19 фактісі, құрамында есірткі бар өсімдіктерді заңсыз өсірудің 4 фактісі және ұйымдасқан қылмыстық топтар қызметінің 2 фактісі.

Барлығы заңсыз айналымнан 225 келіден астам түрлі есірткі заттары тәркіленді.