Балқашта 750 миллиард долларлық алып зауыт салынады

Қазақстан Үкіметі өнеркәсіп және құрылыс министрлігі мен Qazaq Smelter ЖШС арасындағы мыс балқыту зауытын салу жобасы бойынша инвестициялар туралы келісімді мақұлдады. Тиісті Қаулыға премьер-министр Олжас Бектенов қол қойды.

Жаңа кәсіпорын Қарағанды облысының Балқаш қаласында орналасады. Құрылыс 2027 жылы басталады, ал зауытты пайдалануға беру 2030 жылға жоспарланған.

Жобаға салынған жеке инвестициялар көлемі 750 миллиард теңгені құрайды.

Кәсіпорынның өндірістік қуаты:

• Жылына 300 мың тонна катодты мыс;
• 10 тонна Алтын;
• 300 тонна күміс;
• 1,5 миллион тоннадан астам күкірт қышқылы.

Зауытта 1,2 мыңға жуық тұрақты жұмыс орны ашылады.

Кәсіпорын іске қосылған кезде қазақстандық мамандардың үлесі 90 пайызды құрайды, оның ішінде басшылық лауазымдарда. Келесі бес жыл ішінде бұл көрсеткішті 95 пайызға дейін арттыру жоспарлануда.

Бұдан басқа, инвестор Қарағанды облысының оқу орындарында 50 студентті даярлау бойынша міндеттемелерді өзіне алады.

Жаңа қуаттарды іске қосу Қазақстанда мыс өндірісін бір жарым есеге — жылына 800 мың тоннаға дейін ұлғайтуға мүмкіндік береді. Қосылған құны жоғары өнімнің экспорты жылына 460 мыңнан 760 мың тоннаға дейін өседі деп болжануда.