Қазақстанда арналарды бетондаудың жаңа технологиялары енгізіледі

Ведомствоның мәліметінше, тараптар су шаруашылығы инфрақұрылымын жаңғырту саласындағы ынтымақтастықтың перспективаларын талқылады.

Келіссөздер барысында ирригациялық арналарды бетондаудың заманауи технологияларын енгізу бойынша бірлескен ғылыми-зерттеу жобалары қаралды. Жобалардың серіктесі мемлекеттік деңгейде жұмыстарды үйлестіруді қамтамасыз ететін Министрліктің Су ресурстарының ақпараттық-талдау орталығы болып табылады.

Нұржан Нұржігітов екі жобаны бір кешенді жобаға біріктіруді ұсынды, бұл іске асыру мерзімдерін оңтайландыруға, сондай-ақ қаржылық және ұйымдастырушылық ресурстарды тиімді пайдалануға мүмкіндік береді.

Сонымен қатар, кездесуге қатысушылар жаңа технологиялардың тиімділігін бағалау үшін Қазақ Су шаруашылығы ғылыми-зерттеу институтын жұмысқа тарту, "Қазсушар" РМК нысандарында зертханалық және далалық сынақтар жүргізу мүмкіндігін талқылады.

Суару арналарын салу және жөндеу кезінде ғана емес, сонымен қатар су шаруашылығы инфрақұрылымының басқа да объектілерінде инновациялық шешімдерді қолдану перспективаларына ерекше назар аударылды.

"Министрлік суару арналарын бетондау саласында инновациялық технологияларды зерделеу және енгізу бойынша жұмысты жалғастыруда. Бұл гидротехникалық құрылыстардың сенімділігін арттыруға және су ресурстарын неғұрлым ұтымды пайдалануды қамтамасыз етуге мүмкіндік береді. Біз Назарбаев Университетімен әріптестікті жоғары бағалаймыз және ұзақ мерзімді және өзара тиімді ынтымақтастыққа сенеміз", – деді Нұржан Нұржігітов.