Қазақстан екі халықаралық Банктен шамамен 465 млрд теңге қарыз алады

Халықаралық Қайта Құру және даму банкінің қарызы 5 жылдық жеңілдік кезеңін қоса алғанда, өтеу мерзімі 11 жыл болатын 92,3 млрд Жапон иені (277,8 млрд теңге) сомасында беріледі. 

Сыйақы мөлшерлемесі: TONA+ауыспалы спрэд, біржолғы комиссия — қарыз сомасының 0,25%, резервтеу үшін комиссия — қарыз қаражатының игерілмеген қалдығына жылдық 0,25% құрайды.

Азиялық инфрақұрылымдық инвестициялар банкінің қарызы бойынша да осындай қаржылық жағдайлар көзделген, ол Қазақстанға бес жылдық жеңілдік кезеңін қоса алғанда, 11 жыл мерзімге 62,3 млрд жапон иенін (187,5 млрд теңге) береді.

Қарыз қаражаты ағымдағы жылға арналған республикалық бюджет тапшылығын қаржыландыруға мүмкіндік береді.

Оларға қызмет көрсетуді және өтеуді Қаржы министрлігі кезекті қаржы жылына арналған республикалық бюджетте көзделген қаражат есебінен жүзеге асыратын болады.