"111" байланыс орталығының әйелдермен және балалармен жұмыс істеу ережелері өзгерді

"111"байланыс орталығы:

- өтініш берушінің таңдауы бойынша жеке және заңды тұлғаларға тәулік бойы, үзіліссіз, демалыс және мереке күндерінсіз қазақ және орыс тілдерінде өз қызметтерін ұсынады;

- өтініш білдіргендерге ақпараттық-анықтамалық консультациялар, ұйымдастырушылық, психологиялық көмек көрсетеді;

- келіп түскен өтініштер мәселелері бойынша орталық мемлекеттік және жергілікті атқарушы органдармен өзара іс-қимылды жүзеге асырады;

- құзырет мәселелері бойынша орталық мемлекеттік, жергілікті атқарушы органдармен хат алмасуды жүргізеді;

- Балалардың құқықтарын қорғау мәселелерінде ҚР Бала құқықтары жөніндегі уәкілімен және Астананың, облыстардың, республикалық маңызы бар қалалардың Бала құқықтары жөніндегі өңірлік уәкілдерімен өзара іс-қимылды жүзеге асырады;

- ресми байланыс арналары мен цифрлық объектіге келіп түсетін ауызша және жазбаша өтініштерді қабылдайды және қарайды: 111.gov4c.kz;

- келіп түскен мәселелер бойынша шешудің неғұрлым тиімді жолын айқындау үшін өтініштер бойынша ақпаратты жинауды және өңдеуді жүзеге асырады;

- келіп түскен өтініштер бойынша қажетті көмек көлемін таңдау туралы өз бетінше шешім қабылдайды;

- қажетті ақпаратты беру және алу үшін орталық мемлекеттік органдарға, жергілікті атқарушы органдарға шығыс қоңыраулар жасайды;

- жедел ден қою шаралары талап етілетін өтініштер келіп түскен жағдайда, қолда бар байланыс арналары арқылы дереу орталық мемлекеттік органдарға, жергілікті атқарушы органдарға қажетті ақпаратты береді;

- келіп түскен өтініштерді тіркеудің цифрлық жүйесінде сұрау салу нысанына қажетті деректерді енгізеді;

- жеке және заңды тұлғаларға олардың ауызша немесе жазбаша сұрау салуы бойынша өтінішті тіркеу нөмірі, қойылған мәселені шешу бойынша ағымдағы мәртебесі мен жұмыс барысы туралы ақпарат береді;

- білім базасында бар ақпарат бойынша өз қызметін ақпараттық-анықтамалық қолдауды жүзеге асырады;

- егер өтініш мәселесі Бірыңғай байланыс орталығы операторларының құзыретіне кіретін болса, онда ол туралы өтініш берушіні хабардар ете отырып, қоңырауды Бірыңғай байланыс орталығына қайта бағыттайды;

- егер өтініш мәселесі "111" байланыс орталығының құзыретіне кірмесе, консультант өтініш берген адамға осы мәселені шешу құзыретіне кіретін субъектіге қатысты қолда бар ақпаратты береді;

- цифрландыру саласындағы уәкілетті органның жазбаша талабы бойынша сұрау салынған мерзімде консультанттың

- "111"байланыс орталығына қоңырау шалған жеке немесе заңды тұлға;

- консультанттардың кәсіби құзыреттілігін арттыруды, оқытуды және қайта оқытуды жүзеге асырады;

- кеңесшілерге көтермелеу және ынталандыру шараларын қолданады;

- Қазақстан Республикасы азаматтарының "111" байланыс орталығының қызметі, ақпараттық-анықтамалық консультациялар беру, бұқаралық ақпарат құралдарында, теледидарда ақпараттандыру, жарияланымдарды цифрлық ресурстарда, сыртқы жарнамада орналастыру, түрлі ақпараттық іс-шаралар өткізу арқылы әйелдер мен балалардың құқықтарын қорғау саласында ұйымдастырушылық, психологиялық көмек көрсету тәртібі мен процесі туралы хабардар болу деңгейін арттырады.

"111" байланыс орталығының орталық мемлекеттік органдармен, жергілікті атқарушы органдармен өзара іс-қимылына қатысушылар:

- "111"байланыс орталығы;
- цифрландыру саласындағы уәкілетті орган;
- Астананың, облыстардың, республикалық маңызы бар қалалардың Бала құқықтары жөніндегі өңірлік уәкілдері;
- орталық мемлекеттік органдар;
- жергілікті атқарушы органдар;
- жеке және заңды тұлғалар.

"111" байланыс орталығы орталық мемлекеттік органдармен, жергілікті атқарушы органдармен отбасы, әйелдер мен балалардың құқықтарын қорғау, Қазақстан Республикасы адамы мен азаматының құқықтары мен бостандықтарын қорғау және қалпына келтіру мәселелері бойынша өзара іс-қимыл жасайтыны, заңдылықтың сақталуын қадағалау нақтыланды.

Сондай-ақ, өтініш бойынша жедел ден қоюды талап ететін жағдайларда орталық мемлекеттік органдармен, жергілікті атқарушы органдармен қолда бар байланыс арналары арқылы ауызша және (немесе) жазбаша (цифрлық объектілер арқылы) ақпарат алмасуға жол берілетіні айтылады.

Бұйрық 12 шілдеден бастап күшіне енеді.