Денсаулық сақтау министрлігі медициналық ұйымдарға қойылатын талаптарды өзгертеді

Бұйрық жобасы тегін медициналық көмектің кепілдік берілген көлемі (ТМККК) және міндетті әлеуметтік медициналық сақтандыру жүйесі (МӘМС) шеңберінде медициналық көмек көрсететін медициналық ұйымдарды есепке алу қағидаларын жетілдіруді көздейді.

Өзгерістер ТМККК және МӘМС жүйесінде жұмыс істейтін барлық медициналық ұйымдар үшін бірыңғай және ашық талаптар жасауға, сондай-ақ тұрғылықты өңіріне қарамастан азаматтардың сапалы медициналық көмекке тең қолжетімділігін қамтамасыз етуге бағытталған.

Бұдан басқа, бұйрық жобасында оларды "халық денсаулығы және денсаулық сақтау жүйесі туралы"Кодекске сәйкес келтіру мақсатында жекелеген нормаларды нақтылау көзделген. Атап айтқанда, Денсаулық сақтау инфрақұрылымын дамытудың өңірлік перспективалық жоспары ұғымы өзекті болып отыр.

Сондай-ақ ТМККК және МӘМС шеңберінде медициналық көмек көрсетуге қатысатын медициналық қызмет көрсетушілерге қойылатын бірыңғай талаптарды бекіту ұсынылады. Біз қажетті материалдық-техникалық базаның, заманауи медициналық жабдықтың, жеткілікті кадрлық әлеуеттің болуы және уәкілетті орган бекіткен стандарттардың сақталуы туралы айтып отырмыз.

Ұсынылған өзгерістерді іске асыру:

- тұрғылықты жеріне қарамастан халықты сапалы және қауіпсіз медициналық көмекпен қамтамасыз ету;

- ТМККК және МӘМС жүйесіне қатысатын медициналық ұйымдарды есепке алудың ашықтығы мен тиімділігін арттыру;

- барлық адал медициналық қызмет көрсетушілер үшін бірыңғай жағдай жасау;

- халыққа медициналық көмек көрсетуге бағытталған мемлекеттік қаражатты пайдаланудың тиімділігін арттыру;
азаматтардың денсаулық сақтау жүйесіне деген сенімін нығайту.

Денсаулық сақтау министрлігі ұсынылған өзгерістер пациенттердің медициналық көмек алу құқығына әсер етпейтінін, медициналық қызметтер көлемін қысқартуды көздемейтінін және азаматтар үшін қосымша міндеттемелер енгізбейтінін атап өтті.

Денсаулық сақтау министрлігі бұл шаралар тек медициналық көмектің сапасын одан әрі арттыруға, пациенттердің қауіпсіздігін қамтамасыз етуге және еліміздің әрбір азаматының мүддесі үшін денсаулық сақтау жүйесін жетілдіруге бағытталғанын атап көрсетеді.

Құжат 17 шілдеге дейін жария талқылау үшін "Ашық НҚА" сайтында орналастырылған.