Еңбек құқықтарының бұзылуы қызметкерлердің шағымдарына дейін де анықталады

Бүгінгі таңда жүйе бүкіл ел бойынша 98 мың кәсіпорынды қамтиды. Оның көмегімен жалақыны уақтылы төлеу, еңбек заңнамасын сақтау және ұйымдардағы әлеуметтік-еңбек жағдайы мәселелері бақыланады.

Мониторинг нәтижелері бойынша 2,3 мың кәсіпорын жоғары тәуекел санатына, тағы 3,2 мың кәсіпорын орташа тәуекел санатына жатқызылды. Олар мемлекеттік органдардың ерекше назарында.

Министрдің айтуынша, жүйе кәсіпорындардағы әлеуметтік-еңбек жағдайын автоматты түрде бақылауға және ықтимал бұзушылықтардың белгілерін уақтылы анықтауға мүмкіндік береді.

"Еңбек тәуекелдерінің картасы кәсіпорындардағы әлеуметтік-еңбек жағдайы туралы ақпаратты талдауға, жұмыс берушілерді еңбек заңнамасын бұзу белгілері туралы белсенді түрде анықтауға және хабардар етуге мүмкіндік береді", – деп атап өтті Асқарбек Ерсаев.

Цифрлық платформа арқылы мемлекеттік органдар ұжымдық шарттардың болуы, еңбек қатынастарын тіркеу, жалақыны уақтылы төлеу және әлеуметтік аударымдарды аудару туралы деректерді алады.

Ведомство мониторинг жағдайды аудандық деңгейге дейін қамтитынын атап көрсетеді. Бұл әкімдіктерді, еңбек инспекцияларын және құқық қорғау органдарын ықтимал тәуекелдер туралы жедел хабардар етуге және шараларды ерте кезеңде қабылдауға мүмкіндік береді.

Бір мезгілде елде әлеуметтік әріптестік жүйесін дамыту жалғасуда. Бүгінде Қазақстанда 4 республикалық, 58 салалық, 25 аумақтық және 444 жергілікті кәсіподақ жұмыс істейді. Биыл республикалық үшжақты комиссияның мүшелері екі отырыс және екі жұмыс тобының кездесулерін өткізді.

HR Enbek порталында қызметкерлердің өкілдерімен цифрлық өзара іс-қимылды кеңейту үшін кәсіподақтың автоматтандырылған жұмыс орны енгізілуде.

"Жүйенің функционалы әлеуметтік әріптестік туралы келісімдерді цифрландыруды, еңбек жағдайларына мониторинг жүргізуді, кәсіподақ мүшелерін автоматтандырылған есепке алуды, сондай – ақ ұжымдық шарттарды келісу және есепке алу процестерін цифрлық сүйемелдеуді көздейді", - деп хабарлады Еңбек министрлігінің басшысы.

Жаңа цифрлық құралдар еңбек қатынастарының ашықтығын арттыруға, қызметкерлердің құқықтарын қорғауды күшейтуге және еңбек жанжалдарының санын азайтуға көмектеседі деп күтілуде.