Қазақстанда байланыс және дата-орталықтардың жұмыс ережелерін жаңартқысы келеді

Заң жобасы байланыс инфрақұрылымын дамытуға, перспективалы телекоммуникациялық технологияларды тарту үшін қолайлы жағдайларды қалыптастыруға және халық үшін байланыс қызметтерінің қолжетімділігін қамтамасыз етуге бағытталған.

Заң жобасында "тұрғын үй қатынастары туралы", "Қазақстан Республикасындағы жергілікті мемлекеттік басқару және өзін-өзі басқару туралы", "Байланыс туралы", "ақпараттандыру туралы", "Пошта туралы" Қазақстан Республикасының заңдарына өзгерістер енгізу ұсынылады:

- байланыс желілері мен құрылыстары операторларының құрылысы үшін электрмен жабдықтау жүргізілген орындарды ұсыну бойынша әкімдіктердің құзыретін кеңейту;

- "Заттар интернеті", "сымсыз тіркелген абоненттік қолжетімділік" және т. б. сияқты жаңа терминдер мен анықтамаларды өзектендіру және енгізу;

- спутниктік байланысты дамыту және геостационарлық емес спутниктерді пайдалану шарттарын жаңарту;

- Қазақстан Республикасының Бірыңғай телекоммуникация желісіне кіретін заттар интернеті желілерінің қызметін регламенттеу;

- телекоммуникация желілерін орталықтандырылған басқару жүйелері арқылы өтпей халықаралық трафик транзитін ұйымдастыру;

- рұқсат етілмеген трафикті өткізуге және байланыс желілерін заңсыз пайдалануға тыйым салатын норманы енгізу;

- құрылыстың басталғаны туралы не деректерді өңдеу орталықтарын пайдалануға беру туралы уәкілетті органның хабарламасы бойынша жеке және заңды тұлғалардың міндеттерін енгізу бөлігінде деректерді өңдеу орталықтары үшін өлшемшарттарды жаңарту.