Ұлттық банк цифрлық активтерді айырбастау операторларына лицензия беру қағидаларын бекітті

Құжатқа сәйкес, лицензия алуды жоспарлап отырған заңды тұлғалар Ұлттық Банкке цифрлық активтер туралы заңнамада (12-2-баптың 6-тармағында)көзделген барлық қажетті құжаттар мен мәліметтерді қоса бере отырып, белгіленген нысан бойынша өтініш беруге тиіс

Егер өтініш бергеннен кейін құжаттарға өзгерістер енгізілсе, оператор бұл туралы Ұлттық Банкке 10 жұмыс күні ішінде хабарлауға және жаңартылған нұсқаларын жіберуге міндетті.

2026 жылғы 12 шілдеден бастап қамтамасыз етілмеген цифрлық активтерді айырбастау жөніндегі операцияларды қоса алғанда, цифрлық активтер нарығында дилерлік қызметке лицензия беру бойынша Мемлекеттік қызмет көрсетудің жаңартылған тәртібі қолданыла бастайды.

Әрі қарай рәсім нақты регламент бойынша құрылады:

— Ұлттық Банкке келіп түскен өтініш алынған күні қабылданады, тіркеледі және бейіндік бөлімшеге беріледі;
- "электрондық үкімет" порталы арқылы берген кезде өтініш беруші жеке кабинетінде өтініштің қабылданған күні мен уақыты көрсетілген мәртебесін бірден көреді;
— Ұлттық банк компания басшысы және заңды тұлғаны тіркеу туралы қажетті мәліметтерді мемлекеттік ақпараттық жүйелер арқылы алады.

Өтініш тіркелгеннен кейін екі жұмыс күні ішінде құжаттардың толықтығын тексеру жүргізіледі. Егер пакет толық болмаса, қараудан дәлелді бас тарту жіберіледі.

Егер құжаттар талаптарға сәйкес келсе, өтініш белгіленген мерзімде қаралады: лицензияның жобасы немесе дәлелді бас тарту дайындалады.

Бас тарту үшін негіздер болған кезде өтініш берушіге алдын ала шешім жіберіледі, содан кейін оған тыңдау шеңберінде ұстанымын білдіруге мүмкіндік беріледі. Ол туралы хабарлама қарау мерзімі аяқталғанға дейін кемінде үш жұмыс күні бұрын жіберіледі, ал отырыстың өзі хабарламадан кейін екі жұмыс күнінен кешіктірілмей өткізіледі.