Қаруға рұқсат беру үшін медициналық анықтамалар цифрлық форматқа көшеді

Денсаулық сақтау министрлігі Азаматтық және қызметтік қару, сондай-ақ азаматтық пиротехникалық заттар айналымы салаларында рұқсат алу үшін медициналық қарап-тексеру қорытындысын (076/у нысаны) беру бойынша Мемлекеттік қызмет көрсету тәртібін өзгертеді.

Негізгі өзгерістердің бірі медициналық ақпараттық жүйелерді мемлекеттік ақпараттық жүйелермен интеграциялауды жүзеге асыру болды. Атап айтқанда, "АПП" ақпараттық жүйесінің "Е-лицензиялау" мемлекеттік дерекқорымен өзара іс-қимылы қамтамасыз етілді, бұл 076/е нысаны бойынша медициналық қарап-тексеру нәтижелері туралы мәліметтерді автоматты түрде беруге мүмкіндік береді.

Сондай-ақ қызмет көрсетудің әрбір кезеңіне бақылау күшейтіледі. Медициналық тексеруден өтуден бастап қорытынды шешім қабылдауға дейінгі барлық іс-әрекеттер мониторингтің цифрлық жүйесінде тіркелетін болады.

Өзгерістерді не қарастырады:

- медициналық тексеру қызметті алудың міндетті және бақыланатын кезеңі ретінде бекітіледі;
- қызмет көрсету нәтижелері Көрсетілетін қызметті алушының "жеке кабинетіне" жіберіледі;
- қызмет көрсету кезеңдерін міндетті цифрлық тіркеу енгізіледі;
- құжаттарға қойылатын талаптар және олардың қолданылу мерзімі нақтыланады;
- дұрыс емес деректер беруді және медициналық қарсы көрсетілімдердің болуын қоса алғанда, бас тарту үшін негіздер нақтыланады;
- бас тартуды ресімдеудің ашық тәртібі белгіленеді.

Денсаулық сақтау министрлігі қабылданған шаралар қателер мен бұзушылықтарды азайтуға, мемлекеттік қызмет көрсету сапасын арттыруға, ведомствоаралық бақылауды күшейтуге және азаматтардың цифрлық мемлекеттік сервистерге деген сенімін арттыруға бағытталғанын атап өтті.

Жаңа нормалар қызмет көрсету сапасын арттырады, оның кезеңдерін бақылауды күшейтеді.

Құжат "Ашық НҚА" сайтында 2026 жылғы 20 мамырға дейін жария талқылау үшін орналастырылған.