Қазақстанда ЧСИ алиментін өндіріп алу жүйесін реттегісі келеді

Түзетулер мыналарға бағытталған:

- жеке сот орындаушысының алимент өндіріп алу туралы атқарушылық құжаттар бойынша жұмыс жасағанын растайтын атқарушылық әрекеттер тізбесін нақтылау;

- алимент пен жалақыны өндіріп алу туралы атқарушылық құжаттар бойынша жеке сот орындаушысының қызметіне ақы төлеу шарттары мен мерзімін нақтылау;

- төлемді төлеу нақты атқарушылық іс жүргізу бойынша жүргізілген соңғы төлем күнінен бастап он екі ай өткен соң жүргізілетінін белгілеу;

- төлемді жүзеге асыру кезінде борышкерді іздестіруге байланысты атқарушылық іс жүргізудің орындалуында не тоқтатыла тұру жағдайында болуы туралы шартты бекіту;

- атқарушылық іс - әрекеттер туралы есептің мазмұнын нақтылау;

- борышкердің тұрғылықты жері бойынша шығу актісінің нысанын жетілдіру;

- жеке сот орындаушысының көмекшілері мен тағылымдамашыларының куәгерлер ретінде атқарушылық әрекеттерге қатысуын болдырмау;

- жеке сот орындаушыларының іс жүргізуінің жекелеген мәселелерін нақтылау (сәйкестікке келтіру).

Түзетулерді қабылдау жеке сот орындаушыларының атқарушылық құжаттардың әлеуметтік маңызы бар санаты бойынша қызметіне ақы төлеуді реттейтін заңға тәуелді нормативтік құқықтық актілерді қолдану практикасының құқықтық айқындылығы мен біркелкілігін арттыруға, сондай-ақ жеке сот орындаушыларының іс жүргізуінің жекелеген мәселелерін нақтылауға әкеледі деп күтілуде.

Бұдан басқа, қолданыстағы нормаларды екіұшты түсіндіруді алып тастау және бұйрық қолданысқа енгізілгеннен кейін құқық қолдану сапасын арттыру жоспарлануда.

Құжат 27 сәуірге дейін ашық талқылау үшін "Ашық НҚА" сайтында орналастырылған.