Жүргізуші куәлігін алу үшін емтихан тапсыру тәртібі қалай өзгереді

Бұл мәселе Премьер-Министрдің орынбасары – АИ және цифрлық даму министрі Жаслан Мәдиевтің төрағалығымен өткен Үкіметтегі кеңесте талқыланды.

- Екінші шара Астанадағы Ғылым және жоғары білім министрлігінің Ұлттық тестілеу орталығы филиалының базасында пилоттық жобаны іске қосуды көздейді. Академиялық адалдықты қамтамасыз ету технологияларын кейіннен жүргізуші куәлігін алуға теориялық емтихан тапсырудың бүкіл жүйесіне масштабтаумен сынақтан өткізу жоспарлануда.

- Үшінші және төртінші шаралар АИ технологияларын белсенді қолдану болады:теориялық емтихандарды қабылдау кезінде кеңейтілген шындық технологиялары және практикалық емтиханды тапсыру процесін автоматтандырылған бақылау үшін компьютерлік көру.

- Бесінші шара жүргізуші куәлігін алуға байланысты, оның ішінде оларды ақпараттандырудың аса маңызды объектілерінің тізбесіне енгізу есебінен цифрлық шешімдердің ақпараттық қауіпсіздігін барынша күшейтуге бағытталған. Бұл қылмыстық құқық бұзушылықтар мен рұқсатсыз араласулар үшін жауапкершілікті күшейтеді.

- Алтыншы маңызды шара Әкімшілік жауапкершілік туралы нормаларды енгізу болады. Жауапкершілік көрсетілетін қызметті алушылар үшін де, жүргізуші куәлігін заңсыз алуға жәрдемдесетін адамдар үшін де көзделетін болады. Мұндай шаралар емтихан тапсыру барысында бұзушылықтар анықталған кезде қолданылатын болады. Оларға тыйым салынған құрылғыларды, микро құлаққаптарды, микрокамераларды, сондай-ақ таратушы және қабылдаушы байланыс құрылғыларын пайдалану жатады. Сондай-ақ теориялық емтихандарды тапсырудан 1 жыл мерзімге шеттету мүмкіндігі көзделеді.

- Жетінші шара автомектептердің қызметіне қойылатын талаптарды қатаңдатуға қатысты. Олардың жұмысын бағалау кезінде жүргізушілерді даярлау сапасы және азаматтардан кері байланыс ескерілетін болады. Сондай-ақ олардың қызметін лицензиялауды енгізу жоспарлануда. Жүргізушілерді даярлау сапасы төмен болған жағдайда лицензияны толық қайтарып алу көзделетін болады.