Қазақстандық спортшылардың қайсысы Халықаралық Олимпиада комитетінен стипендия алады

Қазақстаннан 20 спортшы 2028 жылы Лос-Анджелестегі Олимпиада ойындарына дайындалу үшін ХОК жеке стипендия бағдарламасына енгізілді. Спортшылар 2500 доллар көлемінде алғашқы төлемдерді алды (1,2 млн теңгеден астам).

Біліктілік іріктеу және Олимпиадаға дайындық кезеңінде қаржылық қолдау көрсетілетін болады. Стипендияны жеке спорт түрлерінде өнер көрсететін спортшылар алады.

Қазақстандық спортшыларды стипендиаттар қатарына қосуды ҰОК бастамашы болды.

"Іріктеудің негізгі критерийлері Олимпиада ойындарында біліктіліктен сәтті өтуге және жоғары позицияларға үміткер болуға мүмкіндік беретін нәтижелердің болуы, сондай – ақ допингке қарсы ережелер мен Олимпиада хартиясына қайшы келетін басқа да санкциялардың бұзылмауы болды", - делінген хабарламада.

Ақшаны пайдалануға болады:

• оқу-жаттығу жиындарын және жеке сабақтарды өткізу;
• жаттықтырушылар мен мамандардың жұмысына ақы төлеу;
• Медициналық және ғылыми сүйемелдеу;
• сақтандыру;
• тұру және тамақтану.

Спортшылар стипендия шығындары туралы үнемі есеп беруге міндетті. 

Қаржылық қолдау алатын болады:

• Аида Әбікеева (бокс);
• Сағындық Тоғамбай (бокс);
• Гусман Қырғызбаев (дзюдо);
• Абиба Әбужақынова (дзюдо);
• Милад Карими (спорттық гимнастика);
• Руслан Құрбанов (семсерлесу);
• Исхар Құрбаев (грек-рим күресі);
• Ризабек Айтмұхан (еркін күрес);
• Зейнеп Баянова (әйелдер күресі);
• Мария Бровкова (байдарка мен каноэде есу);
• Александра Ле (оқ ату);
• Ислам Сәтбаев (оқ ату);
• Әмір Маймұратов (спорттық альпинизм);
• Батырхан Төлеуғали (тхеквондо);
• Алан Құрманғалиев (үстел теннисі);
• Элизабет Матвеева (жеңіл атлетика);
• Әсем Орынбай (стендтік ату);
• Сергей Петрович (ауыр атлетика);
• Арай Нұрлыбекова (ауыр атлетика);
• Данил Мұсабаев (батут гимнастикасы).