Мүгедектігі бар адамдар үшін референдумда қандай жағдайлар жасалады

Оның айтуынша, сайлау өткізу кезінде қол жетімділік мәселелеріне ерекше көңіл бөлінеді.

Орталық референдум комиссиясының қаулысымен бекітілген тапсырмалардың, сондай-ақ мүгедек адамдардың сайлау құқықтарын қамтамасыз ету жөніндегі жұмыс тобының ұсынымдарының орындалуы тұрақты бақылауда болады. Бұл мәселелер комиссия мүшелерінің өңірлерге инспекциялық сапарлары барысында шешуші мәселелердің бірі болады.

Сондай-ақ, ол дауыс беруге арналған барлық учаскелерде аудио сүйемелдеуімен Конституция жобасының мәтіні орналастырылатынын атап өтті. Бұл формат жаңа тәсіл болып табылады және мүгедектігі бар адамдар үшін ақпараттың қолжетімділігін арттыруға бағытталған.

"Жұмыс тобының мүшелері бұл бастаманы Орталық референдум комиссиясының ұсынысы ретінде қолдады. Бұл тәсіл азаматтарды ақпараттандырудың тиімді құралы және олардың конституциялық құқықтарын іске асыруды және дауыс берудің қолжетімділігін қамтамасыз етудің қосымша тетігі болып табылатыны атап өтілді", — деді Нұрлан Әбдіров.

Комиссия басшысы атап өткендей, жұмыс тобының отырысында Зағиптар мен нашар көретін азаматтарға арналған Брайль түріндегі трафарет қаралып, талқыланды. Талқылау қорытындысы бойынша түзетулер енгізіліп, оң сараптамалық қорытынды алынды.

"Қазіргі уақытта референдум өткізу үшін барлық учаскелерге жеткізілетін трафареттерді дайындау және басып шығару жұмыстары жүргізілуде. Сонымен қатар, әр учаскеде бюллетеньдерді толтыру бойынша арнайы аудио Нұсқаулық қарастырылған. Осылайша, көру қабілеті бұзылған азаматтар үшін дербес және кедергісіз дауыс беру үшін толық көлемде жағдайлар жасалады. Осы жұмысты уақтылы және сапалы орындау мақсатында барлық әріптестеріме бұл мәселені жеке бақылауға алуды тапсырамын", - деп түйіндеді Нұрлан Әбдіров.

ҚР ОСК референдумға еліміздің 12 416 759 азаматы қатыса алатынын хабарлады.