Жан басына шаққандағы қаржыландыру Қазақстанның БЖСМ-не енгізіледі

Заңды қабылдаудың мақсаты экономиканы әртараптандыру, ішкі және келу туризмін дамыту, адами капиталды нығайту және балалар мен жасөспірімдер үшін спорттың қолжетімділігін арттыру жөніндегі мемлекеттік басымдықтарды іске асыру болып табылады.

Құжатпен Қазақстанның 13 Заңына өзгерістер мен толықтырулар енгізіледі.

"Аудиторлық қызмет туралы" ҚР Заңына бюджет және бюджеттен тыс қаражатты жұмсаудың ашықтығын қамтамасыз ету үшін спорт саласындағы бюджеттен тыс қаражатты бөлу жөніндегі бірыңғай оператордың қаржылық есептілігінің міндетті жыл сайынғы аудиті бойынша норма енгізіледі. "Қазақстан Республикасындағы туристік қызмет туралы" ҚР Заңына туристік өнімге қойылатын талаптарды айқындау жөніндегі уәкілетті органның құзыреттерін нақтылау, келу туризмі саласындағы туроператорлардың шығындарын субсидиялау мөлшері, туристерді орналастыру орындарын, визит-орталықтарды салу, реконструкциялау кезінде кәсіпкерлік субъектілері шығындарының бір бөлігін өтеу бөлігінде өзгерістер енгізіледі", - делінген қорытындыда.

Бұдан басқа, жергілікті атқарушы органдардың кәсіпкерлік субъектілерінің туристерді орналастыру орындарын, санаторий-курорттық ұйымдарды, визит-орталықтарды, тау шаңғысы курорттары үшін жабдықтар мен техниканы, жол бойындағы сервис объектілерін иеліктен шығармау және нысаналы пайдалану мониторингін жүзеге асыру және басым туристік аумақтардың шекараларын айқындау жөніндегі жаңа құзыреті пайда болады.

"Дене шынықтыру және спорт туралы" ҚР Заңына қосымша білім беру ұйымы ретінде балалар-жасөспірімдер спорт мектебі ұғымы бекітіледі, БЖСМ-ге мемлекеттік тапсырыс, жан басына шаққандағы қаржыландыру нормативі, мемлекеттік тапсырысты орналастырудың бірыңғай ережесі енгізіледі. Сондай-ақ, деректерді есепке алу, талдау және мониторингтеу үшін дене шынықтыру мен спорттың цифрлық платформасы құрылады. Мемлекеттік спорт ұйымдарының деректерді цифрлық платформаға беру міндеті белгіленеді", - делінген құжатта.