Қазақстандық дипломдар 12 елде танылады

Заңның мәтіні баспасөзде жарияланады.

Естеріңізге сала кетейік, Жоғары білім беру саласындағы біліктілікті тану туралы Азия-Тынық мұхиты өңірлік конвенциясы 2011 жылғы 26 қарашада Токио қаласында ЮНЕСКО қамқорлығымен қабылданды.

Құжат дипломдарды, дәрежелерді, өзге де біліктіліктерді тану рәсімін жеңілдетуге және оларды бағалау кезінде ашықтық пен әділдікті қамтамасыз етуге, сондай-ақ өңір елдері арасындағы академиялық және кәсіби ұтқырлықты кеңейтуге бағытталған.

Конвенцияға сәйкес, қатысушы мемлекеттер білім беру бағдарламаларындағы елеулі айырмашылықтарды қоспағанда, басқа елдер берген біліктіліктерді тануға міндеттенеді. Бұдан басқа, әрбір қосылған мемлекетте жоғары білім туралы ақпарат беретін ұлттық ақпараттық орталықтар құру көзделген, сондай-ақ білім беру жүйелері мен аккредиттелген жоғары оқу орындары туралы анық деректермен алмасу қамтамасыз етілетін болады.

Бұл ретте, Қазақстан оқытудың дәстүрлі емес үлгілері немесе ішінара оқу курстары бойынша алынған біліктілікті мойындамауға қатысты бірқатар мақалалар бойынша ескертпе жариялады.

Бүгінгі таңда Токио Конвенциясының тараптары Ауғанстан, Армения, Австралия, Қытай, Фиджи, Қасиетті Тақ, Жапония, Моңғолия, Жаңа Зеландия, Корея Республикасы, Ресей және Түркия сияқты 12 мемлекет болып табылады.