ҚТЖ мен Балқаш ЖЭО-на ондаған миллион теңге айыппұл салынды

ҚР Кәсіпкерлік Кодексінің 144 - бабы 5-тармағының 3-тармақшасына сәйкес департамент мамандары "ҚТЖ Жүк тасымалы" ЖШС филиалына - БП Қарағанды бөлімшесіне, ТЧЭ-16 Балқаш пайдалану локомотив депосына жоспардан тыс тексеру жүргізді. Тексеру ҚР Экологиялық кодексінің нормаларын сақтауға қатысты болды.

Тексеру іс-шаралары барысында кәсіпорын аумағында қалдықтар белгіленбеген жерлерде және аралас түрде жиналғаны анықталды. ҚТҚ және басқа да ыдыстарға арналған контейнерлерде қауіпті және қауіпті емес қалдықтар бірлесіп орналастырылды, бұл ҚР Экологиялық кодексінің 320-бабының талаптарын бұзу болып табылады. Осы факті бойынша ҚР ӘҚБтК 344-бабының 4-бөлігі бойынша Әкімшілік құқық бұзушылық құрамы қаралды.

Кәсіпорынға қатысты әкімшілік іс қозғалды, жалпы сомасы 648 750 теңгеге айыппұл салынды, сондай-ақ анықталған бұзушылықтарды жою туралы нұсқама берілді. Нұсқаманың орындалуы экология департаментінің бақылауында.

Сонымен қатар, қоғамдық бірлестіктің өтініші бойынша Kazakhmys Energy ЖШС Балқаш ЖЭО жоспардан тыс тексеру жүргізілді.

Тексеру барысында қож үйіндісі аумағының сыртында апаттық төгінділерге арналған бетондалған апаттық босату тоғаны орналасқаны анықталды. Тоған екі бөлікке бөлініп, күл-қожды ағынды сулармен толтырылған. Бұл ретте кәсіпорын авариялық босату тоғандарына құжаттар ұсынбаған.

Тоғанның батыс жағынан тұндырылған су жиналады, ал шығыс бөлігінде күл-қождың қатты ластануы байқалады. Төтенше жағдайларда сарқынды суларды ағызуға экологиялық рұқсат беру құжаттары жоқ, бұл ҚР Экологиялық кодексінің 106-бабының нормаларын бұзады және ҚР ӘҚБтК 332-бабының 1-бөлігі бойынша Әкімшілік құқық бұзушылық белгісін қалыптастырады.

Сондай-ақ, тексерілетін кезеңде Балқаш көліне және Апатты тоғанға ағызылатын каналдардың тұтастығын герметикалығын тексеру және жөндеу жұмыстары жүргізілмегені анықталды. Объектілердің жай-күйіне зерттеулер немесе талдау жүргізу туралы растайтын құжаттар жоқ, бұл ҚР Экологиялық кодексінің 222-бабының 8-тармағын бұзу болып табылады (ҚР ӘҚБтК 324-бабының 1-бөлігі).

2023-2027 жылдарға арналған рұқсат етілген төгінділер нормативтерінің жобасына сәйкес кәсіпорын авариялық босату тоғанына төгінділер жүргізбеуі тиіс. Алайда тексеру барысында күл қожының оң және сол жақ күл құбырларынан авариялық тоғанға заңсыз төгілуі анықталды, бұл ҚР Экологиялық кодексінің 120-бабының талаптарын бұзады және ҚР ӘҚБтК 328-бабының 1-бөлігі бойынша сараланады.

Жоспардан тыс тексеру қорытындысы бойынша Балқаш ЖЭО-на қатысты әкімшілік іс қозғалды. Айыппұлдардың жалпы сомасы 20 951 882 теңгені құрады. Кәсіпорынға анықталған бұзушылықтарды жою туралы нұсқама берілді, олардың орындалуы Қарағанды облысы бойынша экология департаментінің бақылауында. Айта кету керек, Kazakhmys Energy ЖШС Балқаш ЖЭО әкімшілік айыппұлы толық көлемде төленді.