ІІМ: Қарағанды облысында синтетикалық есірткі өндірісінің алдын алды

4 қаңтарда Қарағанды облысында есірткі қылмысына қарсы іс-қимыл комитетінің қызметкерлері жеке үйдің шаруашылық құрылысында синтетикалық есірткінің ауқымды өндірісін жолға қойған 33 жастағы азаматты ұстады. 

Тінту барысында оқиға орнынан 20 кг мефедрон, жарты тонна дайын кристалданған өнім, конструкторлар, магниттік араластырғыштар, химиялық реагенттері бар пластикалық канистрлер, сондай-ақ есірткі өндірісінде қолданылатын 4 тоннаға жуық прекурсорлар тәркіленді.

Заңсыз айналымға бір жарым миллионға жуық доза жіберілмеді. Бұл азаматтардың, ең алдымен өскелең ұрпақтың құтқарылған өмірі мен денсаулығы.

Есірткі өндірісін ұйымдастыру фактісі бойынша сотқа дейінгі тергеу басталды. Өндірісті ұйымдастырушы өмір бойына бас бостандығынан айырылуы мүмкін.

Бұл жолға түскендердің бәрі анық түсінуі керек — жазаның бұлтартпастығы сөзсіз.

Бұл бағыттағы жұмыс жалғасуда.