2026 жылы әкімдіктер МӘМС ке жұмыссыздар мен әлеуметтік осал адамдар үшін қанша төлейді

Әкімдіктер D және E санаттарына жататын азаматтар үшін жарналарды төлейді — бұл әл-ауқатының дағдарыс деңгейі бар адамдар. Денсаулық сақтау министрлігінің мәліметтері бойынша, елде бұл санаттарға шамамен 1 миллион адам кіреді.

"Д және Е санаттары үшін әкімдіктер әлеуметтік осал адамдар үшін шамамен 30 млрд теңге төлейді деп болжануда. Әр өңір орташа айлық жалақының 2% төлейтін болады", — деді Денсаулық сақтау министрлігі МӘМС жетілдіру және талдау департаментінің директоры Ләззат Шоманова.

Бұл ретте олар үшін жарналар автоматты түрде емес, медициналық көмекке жүгіну фактісі бойынша түсетін болады.

"Егер пациент, мысалы, наурыз айында жүгінсе және ол Д немесе Е санатында болса, онда ол дереу сақтандырылады және ол үшін кейіннен жыл соңына дейін жергілікті атқарушы органдар төлейтін болады",-деп түсіндірді вице-министр Әлия Рүстемрва

Бұдан басқа, әкімдіктер жұмыссыз азаматтар үшін МӘМС жарналарын төлеуді өз мойнына алады. Денсаулық сақтау министрлігі мұндай норма жұмыссыздық деңгейін төмендету және халықты жұмыспен қамтуға жәрдемдесу үшін жергілікті биліктің жауапкершілігін ескере отырып, жаңа заңда көзделгенін атап өтті.

Әкімдіктер жұмыссыздар үшін жарналарды төлеуге жергілікті бюджеттерден шамамен 15 млрд теңге бағыттайтын болады.

Жалпы, бүгінде МӘМС жүйесінде 16,9 млн адам сақтандырылған, бұл халықтың 82,6% -. құрайды. 3,4 млн азамат сақтандырылмаған, оның ішінде 2,4 млн азаматтың өмір сүру деңгейі жақсы немесе қанағаттанарлық, деп нақтылады Денсаулық сақтау министрлігі.