Қазақстанда мемлекеттік қызметшілерге теңестірілген кәсіпкерлікке тыйым салынады

Фото: Ағыбай Аяпбергенов

18 Желтоқсан, 202520:37

«Казинформ»

Сенат депутаттары екі оқылымда қарап, ҚР Конституциялық сотының шешімдерін орындау және заңсыз сатып алынған активтерді мемлекетке қайтару мәселелері бойынша заңды мақұлдады, деп хабарлайды kazinform агенттігінің тілшісі.

Сенат комитетінің қорытындысында атап өтілгендей, Заң құқықтық қайшылықтарды жоюға, Конституциялық сот шешімдерінің орындалуын қамтамасыз етуге, мемлекеттік қызметтің тиімділігін арттыруға, сондай-ақ заңсыз сатып алынған активтерді мемлекетке қайтарудың ашық тетіктерін қамтамасыз етуге бағытталған.

ҚР Конституциялық соты өзінің нормативтік қаулыларында Мемлекеттік қызметтің тартымдылығын арттыру қажеттігін атап өтті. Осы ұсынымдарды дамытуда Заңда мынадай өзгерістер Көзделген:

1. Акцияларды сенімгерлік басқаруға беру.

Қолданыстағы заңнама бойынша мемлекеттік қызметшілер мен оларға теңестірілген тұлғалар коммерциялық ұйымдардың жай акцияларының 5% - на дейін сенімгерлік басқаруға беруге міндетті. Халықтық IPO-ның дамуына байланысты және қосымша шығындарды болдырмау үшін Заңмен бұл талапты жою ұсынылады.

2. Ұйымдастырылған нарықтан тыс бағалы қағаздарды сатып алу.

Заңда пайларды, облигацияларды және акциялардың 5% -. тек ұйымдастырылған бағалы қағаздар нарығында сатып алуды шектейтін норма алынып тасталады. Бұл аталған активтерді азаматтық-құқықтық мәмілелер бойынша сатып алуға, сондай-ақ мұрагерлікке беруге болатындығына байланысты.

3. Сандық активтерге иелік ету.

Сандық активтер табыс әкелетін мүлік ретінде танылады. Заңда мұндай активтер сенімгерлік басқаруға міндетті түрде берілмейтін мүлікке жататыны нақтыланады.

4. Сенімгерлік басқару шартының нотариаттық куәландыру тәртібін нақтылау.

Заңда сенімгерлік басқару шартын міндетті нотариаттық куәландыру туралы талап алынып тасталады. Оның орнына кадр қызметіне шарттың нотариалды куәландырылған көшірмесі ұсынылатын болады.

5. Сенімгерлік басқаруда мүліктен табыс алу құқығы.

"Сыбайлас жемқорлыққа қарсы іс-қимыл туралы" Заңға Мемлекеттік қызметшілердің сенімгерлік басқаруға берілген мүліктен табыс алу құқығы туралы норма енгізіледі. Мұндай норма ҚР "Мемлекеттік қызмет туралы" Заңында бар.

6. Тұрғын үйді жалға беру.

Заңда Үкімет мүшелеріне өздеріне тиесілі тұрғын үйді жалға беруге тыйым салынады, өйткені басқа заңнамалық актілерде мұндай шектеу жоқ және ҚР Президентіне тікелей бағынатын және есеп беретін мемлекеттік органдардың бірінші басшыларына қолданылмайды.

7. Ұйымдарды басқаруға қатысу.

Ұйымдарды басқаруға қатысуға тыйым салу мүшелігі ҚР заңнамасында көзделген коммерциялық емес ұйымдар үшін: саяси партиялар, кәсіподақтар, тұтыну және тұрғын үй-құрылыс кооперативтері үшін ерекшелікпен толықтырылады.

Тақырып бойынша сілтемелер1 ЖелтоқсанҚарағанды облысында кәсіпкерлер үшін ставка 2 ға дейін төмендеді%