Тоқаев қазақстандықтарды Тәуелсіздік күнімен құттықтады

Бұл туралы Ақорда хабарлайды. Президенттің айтуынша, бұл мереке Қазақстанның егеменді даму жолының пайдасына ерікті және түпкілікті таңдау жасаған халқымыз үшін ерекше маңызға ие.

"Тәуелсіздік бәрінен бұрын! Осы қағиданы берік ұстану - өткен және болашақ ұрпақ алдындағы тарихи жауапкершілігіміз",-деді Қасым-Жомарт Тоқаев.

Азаматтардың бірлігі, өзара қолдауы мен жасампаз еңбегінің, қоғамдағы тұрақтылық пен келісімнің арқасында Қазақстан тәуелсіздікті нығайту ісінде елеулі табыстарға қол жеткізді. Бүкіл әлем тез өзгеріп, күрделі қиындықтарға толы жаңа тарихи дәуірге аяқ басты, сонымен қатар жаңа мүмкіндіктер.

Мұндай жағдайда біз жас және прогрессивті ұлт бола отырып, еліміздің жаһандық аренадағы бәсекеге қабілеттілігі мен беделін нығайту, Қазақстанды өркендеген мемлекетке айналдыру үшін оптимизммен және үмітпен алға ұмтылуға, бірігіп, еңбек етуге тиіспіз.

"Қазір жүзеге асырылып жатқан ауқымды реформалар бізді табысқа жетелейтініне сенімдімін. Жан-жақты жаңғыртудың стратегиялық бағытын тұрақты ұстана отырып, біз әділ, мықты, таза, қауіпсіз Қазақстан құрамыз. Баршаңызға бақыт, амандық және табыс тілеймін! Біздің Қасиетті тәуелсіздігіміз мәңгілік болсын!"- делінген құттықтауда.