Қазақстан арқылы транзиттік жүктердің көлемі 29,4 млн тоннаға жетті

Ағымдағы жылдың 10 айында негізгі көрсеткіштер бойынша оң динамика байқалады. Көлік қызметтерінің көлемі 20,7% - ға өсті. Негізгі капиталға салынған инвестициялар 18,4% - ға өсті.

"Автокөлік саласында жүк тасымалдау көлемі 288 млн тоннаны құрап, есепті кезеңмен салыстырғанда 1,7 пайызға артты. Автоматтандырылған өлшеу станциялары бұзушылықтарды анықтауды және бюджетке түсу деңгейін 10 есеге арттырды. Бас прокуратурамен жүргізілген интеграция нәтижесінде ағымдағы жылдың 5 айының қорытындысы бойынша айыппұл төлеу қажеттілігі туралы 10 мыңнан астам ұйғарым ресімделді", — деп атап өтті министр.

Транзиттік жүктердің көлемі 29,4 млн тоннаға жетті, өсу деңгейі 5% -. құрайды, деп толықтырды Нұрлан Сауранбаев.

Жүктерді автокөлікпен тасымалдау 42 елмен жүзеге асырылады.

10 айдың қорытындысы бойынша әуе көлігімен 13,1 млн жолаушы тасымалданды, бұл өткен жылдың сәйкес кезеңімен салыстырғанда 6,5% - ға артық.

"Жүктерді әуе көлігімен тасымалдау кезіндегі негізгі цифрлық құрал e-Freight жүйесі болып табылады. Бүгінгі таңда жүйені елдің барлық әуежайлары мен авиакомпаниялары пайдаланады. Бұл IATA халықаралық стандартына сәйкес келеді. Қазіргі уақытта мемлекеттік органдар импорттық және экспорттық кедендік декларация, фитосанитариялық және ветеринариялық бақылау бойынша интеграциялық жұмысты пысықтауда. Бұл жұмыстар бизнес-процестерді толық автоматтандыруға қол жеткізуге мүмкіндік береді", - деді Нұрлан Сауранбаев.

Теміржол көлігімен жүк тасымалы да өсуді көрсетеді. Тасымалдау көлемі 380,3 млн тоннаны құрады, бұл өткен жылдың сәйкес кезеңімен салыстырғанда 7,9% - ға артық.