Шекарадан өту 6 есе жеделдетілді: Қаржы министрлігі кеденді цифрландыруды аяқтайды

Keden бірыңғай платформасына көшу шеңберінде үш қолданыстағы жүйе біріктірілді, 20 модульдің 16-сы енгізілді, оның ішінде кедендік транзит, интеграцияланған бақылау және алдын ала ақпараттандыру. Осының арқасында:

- транзиттік декларацияларды ресімдеу 30 минуттан 10 минутқа дейін қысқарды;

- контейнерлік пойыздарды ресімдеу - 3 сағаттан 30 минутқа дейін;

- электрондық кезектер, WeChat халықаралық мессенджерімен интеграция және төрт тілдік интерфейс енгізілді;

- декларацияларды талдау және сәйкессіздіктерді анықтау үшін жасанды интеллект іске қосылды.

Цифрландырудан басқа, өткізу пункттері жаңғыртылуда: қазірдің өзінде төртеуі ашылды, желтоқсан айының соңына дейін тағы бесеуі жұмыс істейді, оның ішінде "Қазығұрт", "Темір баба", "Тәжен", "Майқапшағай" және "Бақты".

Өзбекстанмен шекарада "Жібек Жолы" пункті қайта жаңартылуда, бұл өткізу қабілетін тәулігіне 70 мың адамға және 2 мың машинаға дейін арттырады. "Нұр жол" пилоттық режимі көлік ағынының екі есеге жуық — жылына 245 мыңнан 453 мың автомобильге дейін өскенін көрсетті. Жаңғырту аяқталғаннан кейін өткізу әлеуеті жыл сайын 5 млн-ға жуық көлік құралын құрайды.

Цифрландыру және инфрақұрылымды жаңарту қазірдің өзінде елеулі экономикалық нәтиже берді: ағымдағы жылдың 11 айында кедендік төлемдердің түсімдері 566 млрд теңгеге өсті, бұл өткен жылдың көрсеткішінен 16% - ға артық.

Қаржы министрлігі жаңғырту шекарада ашық және жоғары өнімді жүйені құруға, қолмен араласу тәуекелдерін азайтуға, сондай-ақ елдің экономикалық қауіпсіздігін нығайта отырып, жүктер мен жолаушылар транзитін жеделдетуге мүмкіндік беретінін атап өтті.