Неліктен тоңазытқыштар мен мұздатқыштар ҚР-да толық бақылауға алынады

Ереже ҚР Қаржы министрлігінің 2025 жылғы 24 қазандағы №623 бұйрығымен бекітілген, ол Қазақстан Республикасының Әділет министрлігінде 2025 жылғы 24 қазанда №37229 болып тіркелген. Аталған бұйрық 2026 жылғы 1 қаңтардан бастап ресми түрде қолданысқа енгізіледі.

Қадағалау тетігі туралы Келісім шеңберінде тауарлардың қадағалануын қамтамасыз ету "Еуразиялық экономикалық одақтың кедендік аумағына әкелінген тауарларды қадағалап отыру тетігін енгізу жөніндегі пилоттық жобаны іске асыру туралы"Еуразиялық экономикалық комиссия Кеңесінің 2022 жылғы 21 қаңтардағы № 2 шешіміне сәйкес жүзеге асырылады. Бақылау осы тетік қолданылатын тауарлардың бекітілген тізбесі бойынша қатаң түрде жүзеге асырылатын болады.

"Бұл тізбе мынадай кодтарды қамтиды: ЕАЭО СЭҚ ТН: 8418 10 200 1; 8418 10 800 1; 8418 21 100 0; 8418 21 510 0; 8418 21 590 0; 8418 21 910 0; 8418 21 990 0; 8418 30 200 1; 8418 30 800 1; 8418 40 200 1; 8418 40 800 1. Біз ЕАЭО кедендік аумағына әкелу және ел ішінде одан әрі айналым кезінде қадағалау жүйесімен толық қамтылатын тұрмыстық тоңазытқыштар мен мұздатқыштар туралы айтып отырмыз", - деп хабарлады ҚР Мемлекеттік кірістер комитеті.

Тауарлардың қадағалануын енгізу тауар айналымының ашықтығын арттыруға, көлеңкелі экономиканың үлесін төмендетуге, салық төлеуді бақылауды күшейтуге және техниканың заңсыз айналымын болдырмауға бағытталған. Бизнес үшін бұл есеп жүйелерін алдын — ала дайындау, СЭҚ ТН кодтарымен дұрыс жұмыс жасау және импорттан бастап түпкілікті сатуға дейінгі өнім қозғалысының барлық кезеңдерінде деректерді дәл сүйемелдеуді қамтамасыз ету қажеттілігін білдіреді.