Көп балалы отбасылар мен марапатталған аналар 501 млрд теңгеден астам жәрдемақы алды

Сурет: Depositphotos

30 Қараша, 202509:04

«Казинформ»

2025 жылдың басынан бастап көпбалалы отбасыларға және марапатталған аналарға мемлекеттік жәрдемақы төлеумен жалпы сомасы 501,8 млрд теңгеге орта есеппен 846,5 мың адам қамтылды, деп хабарлайды Kazinform агенттігі ҚР Еңбек және халықты әлеуметтік қорғау министрлігіне сілтеме жасап.

Ведомствода атап өткендей, оның ішінде: көпбалалы отбасыларға 436,5 млрд теңгеге 603 мың отбасы жәрдемақы алды; марапатталған аналарға — 65,2 млрд теңгеге 243,4 мың адам жәрдемақы алды.

"2025 жылдың қазан айында жоғарыда көрсетілген төлемдермен жалпы сомасы 52 млрд теңгеге 835,2 мың адам қамтылды, оның ішінде: көпбалалы отбасыларға 45,4 млрд теңгеге 590 мың отбасы жәрдемақы алды; марапатталған аналарға — 6,6 млрд теңгеге 245,1 мың адам жәрдемақы алды", — делінген хабарламада.

4 және одан да көп бірге тұратын кәмелетке толмаған балалары немесе 23 жасқа дейінгі күндізгі бөлімде оқитын студенттері бар отбасылар табысына қарамастан көп балалы отбасыларға жәрдемақы алуға үміткер бола алады.

Көп балалы отбасына төленетін төлем мөлшері балалар санына қарай сараланады және 2025 жылы мыналарды құрайды:

4 баламен - 16,03 АЕК немесе 63 030 теңге;
5 баламен - 20,04 АЕК немесе 78 798 теңге;
6 баламен - 24,05 АЕК немесе 94 565 теңге;
7 баламен - 28,06 АЕК немесе 110 332 теңге;
8 және одан да көп баламен-4 АЕК-тен немесе әр балаға 15 728 теңгеден.

Марапатталған ананың жәрдемақысы "Алтын алқа", "Күміс алқа" алқаларымен наградталған немесе бұрын "Батыр ана" атағын алған, I және II дәрежелі "Ана даңқы" ордендерімен наградталған аналарға тағайындалады.

Наградталған ананың жәрдемақысы ай сайын мынадай мөлшерде төленеді:

"Күміс алқа" алқаларымен марапатталғандарға-6,40 АЕК немесе 25 165 теңге;
"Алтын алқа" алқасымен наградталған немесе бұрын "Батыр ана" атағын алған, I және II дәрежелі "Ана даңқы" ордендерімен наградталған-7,40 АЕК немесе 29 097 теңге.

"2025 жылғы 1 қаңтардан бастап балалары бар отбасыларға берілетін барлық мемлекеттік әлеуметтік жәрдемақылар 6,5% - ға өсті", - деп толықтырды Еңбек министрлігі.

Тақырып бойынша сілтемелер23 ҚарашаТоп-дағы ел: Қазақстан туудың жоғары тіркелгенін көрсетеді-ҚР Білім және ғылым министрлігі