Қарағанды балалар қауіпсіздігі үшін күресте күш біріктірді

Жолдауда Мемлекет басшысы белгілеген басымдықты атап өтіп, Қарағанды полиция басқармасы "Заң және тәртіп" қағидаттарын ұстана отырып, жасөспірімдер қылмысының, буллингтің, нашақорлықтың және интернет-алаяқтықтың алдын алу бойынша ауқымды іс-шараларды өрістетті.

Орталық оқиға Әл-Фараби атындағы мектеп-гимназия қабырғасында өткізілген ашық сабақ болды. Іс-шараға Қарағанды облысы мен қаланың білім басқармасы, прокуратура, Қарағанды ҚП жанындағы консультативтік-кеңесші орган өкілдері, қала мен аудандардың ішкі саясат бөлімдерінің басшылары, сондай-ақ мектептер, колледждер, интернаттар директорлары мен олардың орынбасарлары, психологтар қатысты.

Облыстық орталық полиция басқармасының бастығы Шахназар Салин іс-шараны Білім беру мекемелерінде қауіпсіздік жүйесін нығайту, ата-аналармен тиімді қарым-қатынас орнату, жастардың құқықтық хабардарлығын арттыру және бірлескен профилактикалық бастамаларды жетілдіру қажеттігіне баса назар аудара отырып ашты.

Қарағанды ҚП бастығының орынбасары Бауыржан Мұхамеджанов жасөспірімдер қылмысы және интернет-алаяқтық туралы статистикалық деректерді ұсынып, мәселенің өзектілігін атап өтті. Консультативтік-кеңесші органның төрағасы Ирина Назирова кәмелетке толмағандар арасындағы қылмысты азайту бойынша жүзеге асырылып жатқан шаралар туралы айтып берді.

Прокуратура өкілдері есірткіні пайдаланғаны, сақтағаны, таратқаны және жарнамалағаны үшін жауапкершіліктің заңды аспектілерін егжей-тегжейлі түсіндіріп, осындай әрекеттер үшін жазаның бұлтартпастығын атап өтті.

Кездесу барысында айтылған ұсыныстар мен бастамалар оқушылардың қауіпсіздігін қамтамасыз етуге, олардың құқықтық сауаттылығын арттыруға және қоғамдағы құқықтық тәртіпті нығайтуға бағытталған одан әрі іс-қимылдар үшін негіз болады.