Қазақстанда пациенттерді ПЭТ/КТ-ға жіберу үшін бірыңғай үйлестіру орталығы құрылды

"Орталық кезектерді басқарады, жабдықтың жүктелуін бақылайды және медициналық ұйымдарға пациенттер ағынын ұтымды бөлуге көмектеседі. Осының арқасында күту уақыты қысқарады және елдің барлық тұрғындары үшін медициналық көмекке тең қолжетімділік қамтамасыз етіледі. Бүгінде жүйеге алғашқы медициналық-санитарлық көмек ұйымдары, онкологиялық орталықтар және республика бойынша ПЭТ/КТ-зерттеулерді орындайтын 10 медициналық ұйым қосылған. Тиімді жұмыс істеу үшін жергілікті жерлердегі азаматтарға күн сайын көмектесетін 734 дәрігер оқытылды", – делінген хабарламада.

ПЭТ/КТ-ға қалай жазылуға болады:

• емдеуші дәрігерден жолдама алыңыз,
• ЕРКЦ байланыс орталығына +7 (702) 075-15-00 немесе 8 (7172) 69-55-00 нөмірлері бойынша қоңырау шалыңыз; оператор сіздің жолдамаңызды тексереді, бос орындары бар ең жақын клиниканы табады және сізді ыңғайлы уақытқа жазады.

Науқас енді тексеруден қайда өту керектігін өз бетінше іздеудің қажеті жоқ, барлығы бірыңғай орталық арқылы өтеді, деп атап өтті Денсаулық сақтау министрлігі.

ПЭТ/КТ – бұл позитронды-эмиссиялық (ПЭТ) және компьютерлік томографияны (КТ) біріктіретін онкологиялық аурудың локализациясын молекулалық деңгейде анықтауға көмектесетін зерттеудің ең күрделі түрі. Осының арқасында дәрігерлер патологиялық процестерді олардың дамуының алғашқы кезеңдерінде анықтай алады.

ПЭТ/КТ зерттеуі тегін медициналық көмектің кепілдендірілген көлеміне кіреді. Дәрігердің жолдамасы бар әрбір пациент қаржылық шығындарсыз толық тегін тексеруден өтуі мүмкін. Бұл әсіресе ауруларды уақтылы анықтау және емдеу үшін өте маңызды, деп атап өтті ведомствода.