Жер қойнауын пайдаланушылар Қазақстан бюджетіне миллиардтаған теңге төлемеді

Сурет: ekaraganda.kz

15 Қараша, 202516:10 inbusiness.kz

Қазақстанда жұмыс істейтін жер қойнауын пайдаланушыларға жалпы сомасы 19 млрд теңгеге келісімшарттық міндеттемелерді бұзу туралы 167 хабарлама жіберілді, деп хабарлайды <url> inbusiness.kz.

"2024 жылдың қорытындысы бойынша жыл сайынғы мониторинг нәтижесінде жер қойнауын пайдаланушыларға жалпы сомасы шамамен 19 млрд теңгеге келісімшарттық міндеттемелерді бұзу туралы 167 хабарлама жіберілді. Бүгінгі таңда мемлекеттік бюджетке шамамен 2 млрд теңге өтелді. Бұл жұмыс министрліктің тұрақты бақылауында",-деді Энергетика вице-министрі Қайырхан Түткышбаев Үкімет отырысында.

Тақырып бойынша сілтемелер15 ҚарашаОнлайн vs офлайн: Қазақстан нарығында бағаны кім қалыптастырады

Оның айтуынша, ағымдағы жылы қабылданған келісімшарттық міндеттемелерді орындамай ұзақ уақыт ұсталатын жер қойнауы учаскелерін тексеру шеңберінде 17 келісімшарт бұзылған. Мемлекетке қайтарылған жер қойнауының учаскелері инвестициялар тарту үшін аукционға қойылады.

Қазақстанның шөгінді бассейндерін кешенді зерттеу нәтижелері бойынша алынатын шартты отын ресурстары шамамен 76 млрд тоннаны құрады, оның 6 млрд тоннасы аз зерттелген және келешегі аз бассейндерде орналасқан.

Энергетика министрлігінің мәліметінше, 2025 жылдың 9 айында геологиялық барлауға 80 млрд теңге инвестицияланған. Жыл соңына дейін геологиялық барлауға салынған инвестициялар алдыңғы жылдар деңгейінен кем болмайды деп күтілуде.

Қазақстанда қазіргі уақытта мұнай саласында 220 мыңға жуық адам жұмыс істейді (өндіру, қайта өңдеу, тасымалдау және мұнай сервисі).

Көмірсутектер бойынша жер қойнауын пайдалануға арналған келісімшарттардың жалпы саны 324-ті құрайды, оның ішінде барлауға – 15, барлауға және өндіруге – 170, өндіруге – 131, ӨБК – 8.