Астана мен Белград арасында тікелей әуе қатынасы ашылды

Сурет: ekaraganda.kz

8 Қараша, 202509:34 BAQ.KZ

Мемлекет басшысының тапсырмасы бойынша Қазақстан мен Сербия астаналары арасында тікелей авиарейстер іске қосылды, деп хабарлайды BAQ.KZ.

Жаңа маршруттың ашылу салтанаты Нұрсұлтан Назарбаев халықаралық әуежайында өтті. Іс-шараға ҚР Көлік вице-министрі Талғат Ластаев, SCAT әуекомпаниясының президенті Владимир Денисов, Сербияның Қазақстандағы Төтенше және Өкілетті елшісі Владимир Йовчич, сондай-ақ әуежай Басқармасы Төрағасының бірінші орынбасары Руслан Пыштанов қатысты.

Тақырып бойынша сілтемелер8 ҚарашаҚазақстандықтар банктерге деген сенімін жоғалтады: шағымдар саны үшінші ай қатарынан өсуде

Рейсті ашу туралы уағдаластыққа Қазақстан Президенті Қасым-Жомарт Тоқаевтың Сербияға сапары барысында қол жеткізілді. Жобаны іске асыру Қазақстан СІМ мен ҚР Сербиядағы Елшілігінің қолдауымен мүмкін болды.

Алғашқы ұшақ Белградқа келгеннен кейін қазақстандық делегацияны Сербия Халық Ассамблеясының спикері Ана Брнабич пен көлік министрінің орынбасары Верица Ечменица қарсы алды.

"Астана мен Белград арасында тікелей әуе қатынасын ашу Қазақстан мен Сербия арасындағы байланысты нығайтудағы маңызды қадам болып табылады. Жаңа бағыт халықтарымыз арасындағы іскерлік, туристік және мәдени ынтымақтастық үшін көбірек мүмкіндіктер ашады",-деп атап өтті көлік вице-министрі Талғат Ластаев.

Қазақстан мен Сербия арасында визасыз режим әрекет етеді, ал ұшу ұзақтығы 5 сағат 40 минутты құрайды. Бірінші рейс жоғары жүктеме кезінде орындалды-бортта 92 жолаушы болды.

Астана – Белград – Астана рейстері аптасына екі рет — дүйсенбі және бейсенбі күндері — Boeing 737 заманауи лайнерлерінде Орындалатын болады.