Еңбек мигранттары: Қазақстанға қай елдерден жиі табыс табуға келеді

ҚР Еңбек және халықты әлеуметтік қорғау министрлігінің деректері бойынша 2025 жылғы 1 қазанға Қазақстан аумағында жергілікті атқарушы органдардың рұқсаттары бойынша 14 666 шетелдік азамат еңбек қызметін жүзеге асырады.

"Шетелдік жұмыс күшін тартуға арналған рұқсаттардың (ШЖК) ішінде мынадай санаттар бар: басшылар мен олардың орынбасарлары үшін 561 рұқсат (бірінші санат), құрылымдық бөлімшелер басшылары үшін 2 280 рұқсат (екінші санат). Тартылған ШЖК негізгі бөлігі үшінші (мамандар) және төртінші (білікті жұмысшылар) санаттарға жатады — тиісінше 3 884 және 988 адам. Сондай — ақ маусымдық жұмыстарға 3 036 адам, ал корпоративтік ауыстыру аясында — 3 918 адам тартылды", - деп атап өтті ведомствода.

Еңбек мигранттары келетін негізгі елдер: Қытай-5 330 адам, Өзбекстан — 2 682, Түркия — 1 046 және Үндістан — 1 012.

Экономикалық қызмет түрлері бойынша шетелдіктер көбінесе құрылыста (4 799 адам), ауыл, орман және балық шаруашылығында (3 065 адам), тау-кен өнеркәсібінде және карьерлерді қазуда (1 187 адам), сондай-ақ өңдеу өнеркәсібінде (1 085 адам) жұмыс істейді.

Қазақстанда шетелдік жұмыс күшін пайдаланатын барлығы 1 896 жұмыс беруші бар. Бұл ретте осы кәсіпорындарда 339 мыңнан астам Қазақстан азаматы жұмыс істейді, бұл жұмыскерлердің жалпы санының 96% -. құрайды.

Еңбек министрлігі жыл сайын шетелдік мамандарды тартуға квота белгіленетінін атап өтті. 2025 жылы ол 19,4 мың бірлікке дейін ұлғайтылды, бұл елдегі жұмыс күшінің 0,25% құрайды.