Қазақстандағы Докторантура және магистратура: құжаттарды қабылдау 28 қазанда басталады

Фото: ҚР Ғылым және жоғары білім министрлігі

28 Қазан, 202517:37

«Казинформ»

28 қазанда Қазақстанда магистратураға түсу үшін кешенді тестілеуге қатысуға өтінімдер қабылдау және докторантураға түсу үшін құжаттар қабылдау басталады, деп хабарлайды kazinform агенттігі.

Өтініштерді қабылдау ҚР ХӘҰ Ұлттық тестілеу орталығының сайтында өтеді app.testcenter.kz және 2025 жылдың 10 қарашасына дейін жалғасады.

Шығармашылық дайындықты талап ететін білім беру бағдарламаларының топтары бойынша бейінді магистратураға түсушілерден құжаттарды қабылдауды 28 қазаннан 10 қарашаға дейін жоғары және (немесе) жоғары оқу орнынан кейінгі білім беру ұйымдары жүзеге асыратын болады.

"Тестілеу қараша-желтоқсан айларында өтеді. Тіркелу кезінде түсуші тестілеуді тапсыру қаласын өз бетінше таңдайды. Оқуға түсушілер білім беру бағдарламаларының тобы, тілі және тестілеуді тапсыру қаласы бойынша өтінішке өтініштерді қабылдау мерзімі аяқталғанға дейін өзгерістер енгізе алады. Өтініштерді қабылдау базасы жабылғаннан кейін білім беру бағдарламаларының таңдалған тобы және тестілеуді тапсыру қаласы өзгертілмейді. Тестілеуді өткізу күні туралы ақпарат оқуға түсушінің жеке кабинетінде 14 қарашада қолжетімді болады", - деп хабарлады жоғары білім және ғылым министрлігі.

Ғылыми-педагогикалық магистратураға түсу үшін кешенді тестілеу электрондық форматта жүргізіледі және үш блоктан тұрады:

шет тілі бойынша тест;
оқуға дайындықты анықтауға арналған тест;
білім беру бағдарламалары тобының бейіні бойынша тест.

Тестілеуге 3 сағат 55 минут беріледі. Шекті балл — 75 балл, оның ішінде шет тілі бойынша-кемінде 25 балл, оқуға дайындығын анықтауға арналған тест бойынша-кемінде 7 балл, білім беру бағдарламалары тобының бейіні бойынша: бірінші бейіндік пән бойынша — кемінде 7 балл, екінші бейіндік пән бойынша — кемінде 7 балл.

"Бейіндік магистратураға түсуге ниет білдірушілер тек білім беру бағдарламалары топтарының бейіні бойынша тест тапсырады. Шекті балл 30 балды құрайды, оның ішінде бірінші бейіндік пән бойынша — кемінде 7 балл, екінші бейіндік пән бойынша — кемінде 7 балл", — деп түсіндірді министрлікте.

Докторантураға түсу емтиханына өтініштерді қабылдау 2025 жылғы 10 қарашаға дейін жалғасады.

Оқуға түсушілер СЭҚ-қа қатысу үшін өтініш бергенге дейін жоғары және (немесе) жоғары оқу орнынан кейінгі білім беру ұйымдарының қабылдау комиссиясына құжаттарды тапсыруы қажет. Докторантураға түсу үшін ҚАЗТЕСТ жүйесі бойынша мемлекеттік тілді меңгергенін растайтын сертификатты, сондай-ақ шет тілін меңгергенін растайтын сертификатты ұсыну қажет. TOEFL ITP сертификаты бар адамдар СЭҚ басталғанға дейін ағылшын тілін білуге қосымша тестілеуден өтеді.

"Түсу емтиханы желтоқсан айында өтеді. Егер оқуға түсушіге берілген өтінішке өзгерістер енгізу қажет болған жағдайда (емтихан тапсыру қаласын, білім беру бағдарламаларының тобын өзгерту), оған өтініштерді қабылдау базасы жабылғанға дейін өтінішті редакциялау немесе жою мүмкіндігі беріледі. Қосымша тестілеудің өткізілетін орны, күні мен уақыты туралы ақпарат оқуға түсушінің жеке кабинетінде 14 қарашада, түсу емтиханында — 27 қарашада қолжетімді болады", - делінген ведомствоның хабарламасында.

Философия докторлары (PhD) бағдарламасы бойынша докторантураға түсу емтиханы мыналарды қамтиды:

сұхбат;
эссе жазу;
білім беру бағдарламасы тобының бейіні бойынша емтихан сұрақтары.

Бейіні бойынша докторлар бағдарламасы бойынша, оның ішінде индустриялық PhD бағдарламалары бойынша докторантураға түсу емтиханы әңгімелесу блоктарынан және білім беру бағдарламасы тобының бейіні бойынша емтихан сұрақтарынан тұрады.

Мемлекеттік білім беру тапсырысы бойынша философия докторлары (PhD) бағдарламасы бойынша докторантураға түсу емтиханы бойынша кемінде 75 балл, бейіні бойынша докторлар бағдарламасы бойынша, оның ішінде индустриялық PhD бағдарламалары бойынша кемінде 50 балл жинаған тұлғалар конкурстық негізде қабылданады.

Тақырып бойынша сілтемелер27 ҚазанЖаңа оқу жылында Қазақстан колледждерінің 145 мың студенті мемлекеттік тапсырыс бойынша оқиды