Өткен жылы Қазақстанда 145 мыңнан астам автомобиль шығарылды

"Өткен жылы бұл секторға 290 миллиард теңгеден астам инвестиция тартылды, бұл өткен жылдың көрсеткіштерінен екі жарым есе артық. Оң үрдіс сақталуда: ағымдағы жылдың басынан бері салаға 178 миллиард теңге салынды. Инвесторлар Қазақстанға үлкен қызығушылық танытуда. Ауқымды шараларды іске асырудың арқасында айтарлықтай жетістіктерге қол жеткізілді. Өткен жылы елде 145 мыңнан астам автомобиль шығарылды. Автоөнеркәсіптің кәсіпорындары Астана, Алматы, Семей, Орал, Көкшетау, Қостанай және Саран қалаларында жұмыс істейді. Бұл салада 10 мыңнан астам азамат жұмыс істейді, олардың жартысына жуығы жастар. Тікелей Қостанай зауытында бір жарым мың жұмыс орны ашылады. Қызметкерлер жаңа дағдыларды игеріп, білікті мамандар болады. Болашақта кәсіпорын инженерлік кадрлардың нағыз ұстасы болатынына сенімдімін",-деді Қасым-Жомарт Тоқаев.

Президент Үкіметке жақында экономикалық жағдайды тұрақтандыру үшін нақты шаралар әзірлеу тапсырылғанын, осыған байланысты бірқатар маңызды шешімдер қабылданғанын айтты.

"Азаматтар енді автокөлікті лизингке алу мүмкіндігіне ие болады, бұл оларды халыққа қолжетімді етеді. KIA Qazaqstan зауытының іске қосылуы бүкіл саланы технологиялық жаңғыртуға қуатты серпін беретіні сөзсіз. Болашақта компания автомобильдердің басқа да жаңа модельдерін шығаруды игереді деп ойлаймын. Осылайша, алдыңғы қатарлы әлемдік стандарттарға сәйкес келетін біздің машиналарды сыртқы нарықтарға жеткізу мүмкіндігі пайда болады. Қазақстан жаһандық автомобиль өнеркәсібінің дамуына өз үлесін қосуға дайын", - деп түйіндеді Президент.