ІІМ"заңсыз - 2025" жедел-алдын алу іс-шарасын қорытындылады

Іс-шараның мақсаты заңсыз көші-қон арналарының алдын алу және жолын кесу, еңбек қызметін заңсыз жүзеге асыратын шетелдік азаматтарды анықтау, сондай-ақ ҚР азаматтарының көші-қон заңнамасын сақтауы болып табылады.

Іс-шара барысында полиция қызметкерлері 30 мыңнан астам шетел азаматтары мен азаматтығы жоқ адамдарды, сондай-ақ құрылыс алаңдарын, базарларды, фермерлік шаруашылықтарды және жеке меншік үй иелерін қоса алғанда 2 мыңнан астам нысанды тексерді.

Тексеру қорытындысы бойынша 13 061 көші-қон заңнамасын бұзу анықталды, 9595 шетелдік жауапқа тартылды, оның ішінде 1770 адам елден шығарылды, сондай-ақ көші-қон саласындағы заңнаманы бұзғаны үшін 2759 ҚР азаматы, сондай-ақ ҚР заңнамасын бұза отырып, шетелдік жұмыс күшін тартқаны үшін 707 жұмыс беруші жауапқа тартылды.

Сонымен қатар, ОПМ барысында ҚР Мемлекеттік шекарасын қасақана заңсыз кесіп өткені үшін 33, заңсыз көші — қонды ұйымдастырғаны үшін 394 және ҚР — да шетелдік жұмыс күшін тарту және пайдалану қағидаларын бірнеше рет бұзғаны үшін 395 қылмыстық іс қозғалды.

Мәселен, Павлодар облысында криминалдық полиция қызметкерлері осы жылдың қыркүйек айында осындай бұзушылық үшін жауапқа тартылған жеке кәсіпкердің шетелдік жұмыс күшін бірнеше рет пайдалану фактісін анықтады.

Аталған факті бойынша сотқа дейінгі тергеу басталды.

Алматы облысында 139 шетелдікке тұрақты тіркеу есебіне тұрғын үй беру арқылы заңсыз көші-қон арнасын ұйымдастырған Жамбыл ауданының тұрғынына қатысты қылмыстық іс қозғалды.

Көші-қон заңнамасының бұзылуын анықтау жұмыстары жалғасуда.