Қарағанды облысында экология саласында жүзден астам бұзушылықтар анықталды

Тексеру нәтижелері бойынша 138 бұзушылық анықталды, оның 129-ы бойынша жою туралы нұсқама берілді. Бұзушылықтар белгіленген шығарындылар нормативтерінің асып кетуіне, сондай-ақ экологиялық есептілікті уақтылы ұсынбауға, қоршаған ортаға эмиссияларға рұқсат беру шарттарын сақтамауға және өндіріс қалдықтарымен тиісінше жұмыс істемеуге қатысты болды.

Сонымен қатар, экологиялық талаптарды бұзғаны үшін лауазымды және заңды тұлғалар әкімшілік жауапкершілікке тартылды.

Барлығы тоғыз айдың ішінде жалпы сомасы 80 857 967 теңгеге 102 айыппұл салынды.

Экология департаменті тексерулердің басты мақсаты жазалау ғана емес, сонымен қатар бұзушылықтардың алдын алу екенін атап өтті.

"Біз табиғат пайдаланушыларды өңір экологиясына жауапкершілікпен қарауға, заңнаманың барлық нормалары мен талаптарын сақтауға шақырамыз. Қоршаған ортаға ұқыпты қарау — бұл әрбір кәсіпорынның және әрбір адамның болашақ ұрпақтың денсаулығы мен әл — ауқатына қосқан үлесі", - деп атап өтті ведомствода.

Қазір департамент қоршаған ортаға әсер ететін кәсіпорындарды бақылау бойынша жоспарлы және жоспардан тыс жұмыстарды жалғастыруда. Атмосфералық шығарындылар, қалдықтармен жұмыс және су объектілерінің жай-күйі мәселелеріне ерекше назар аударылады.

Ведомствода Қарағанды облысының экологиясы ең өзекті тақырыптардың бірі болып қала беретінін еске салады, өйткені өңір дәстүрлі түрде Қазақстанның өнеркәсіптік орталығы болып табылады. Сондықтан мұнда өндірісті дамыту мен табиғи ресурстарды сақтау арасындағы тепе-теңдікті құру маңызды.