Күніне 6,3 трлн теңге Қазақстан Ұлттық Банкінің төлем жүйелері арқылы өтеді

Шолу Ұлттық Банктің төлем жүйелерінің, төлем карточкалары мен электрондық банк қызметтері нарығының, халықаралық ақша аударымдары жүйелерінің жұмыс істеу нәтижелерін қамтиды. Сондай-ақ, құжатта Қазақстан аумағындағы төлем ұйымдарының қызметі, қаржы нарығындағы қашықтан сәйкестендіру сервисі және Ұлттық Банктің Антифрод-орталығы туралы ақпарат ұсынылған.

Талдау қорытындысы бойынша бірнеше негізгі үрдістер байқалады.

Ұлттық Банктің төлем жүйелері арқылы жүргізілген операциялардың өсуі жалғасуда. Ұлттық төлем жүйелері арқылы жүргізілген транзакциялар саны 34,3% — ға, көлемі 9,2% - ға өсті (өткен жылдың сәйкес кезеңімен салыстырғанда). Орта есеппен бір операциялық күнде Ұлттық Банктің төлем жүйелері арқылы 6,3 трлн теңге сомаға операциялар жүргізілді.

Төлем карточкалары мен электрондық банктік қызметтер нарығында интернет пен мобильді банкингті пайдалану, әсіресе QR-код арқылы тауарлар мен қызметтерге ақы төлеу бойынша халық тарапынан сұраныстың тұрақты өсуі байқалады. 10 транзакцияның 8-і банктердің көрсетілген онлайн сервистерін пайдалана отырып жүргізілді.

Халықаралық ақша аударымдарының жүйелері халықтың шетелге ақша жіберуі және шетелден ақша алуы үшін сұранысқа ие әдіс болып қала береді. Шетелге жіберілген және шетелден алынған аударымның орташа сомасының тиісінше 12%-ға және 25% - ға өсуі байқалады (соңғы үш жылда).

Төлем ұйымдары банктік қызметтерден басқа төлем қызметтерін ұсыну арқылы инфрақұрылымын кеңейтеді. 2025 жылдың І жартыжылдығында төлем ұйымдарының сервистері арқылы айналым 4,6 трлн теңгені құрады.

Қаржы нарығындағы қашықтықтан сәйкестендіру сервисі (ДСОИД) қаржы ұйымдарының қашықтықтан қызмет көрсету кезінде клиенттерді сәйкестендіруді қамтамасыз ететін маңызды тетік болып табылады. І жартыжылдықта ЦОИД сервисі арқылы 23,5 млн биометриялық сәйкестендіру операциялары жүргізілді.

Антифрод-орталық (2024 жылғы шілдеде іске қосылды) қаржы ұйымдарына 2,5 млрд теңгеден астам сомаға алаяқтық операцияларды уақтылы бұғаттауға мүмкіндік беріп, өзінің қажеттілігін көрсетті.