Қазақстанда шақыру комиссияларының жұмысына бақылау күшейтіледі

Сурет: Depositphotos

10 Қазан, 202517:31

«Казинформ»

ҚР Премьер-Министрінің орынбасары – Ұлттық экономика министрі Серік Жұманғарин депутаттық сауалға жауап бере отырып, әскерге шақыру процесін цифрландыру жөніндегі жоспарлар туралы айтып берді, деп хабарлайды kazinfor m агенттігінің тілшісі.

Оның айтуынша, 2018 жылдан бастап Қорғаныс министрлігі "жұмылдыру ресурсын автоматтандырылған есепке алудың интеграциялық шлюзі"ақпараттық жүйесі арқылы әскерге шақырылушылар мен әскери міндеттілерді есепке алуды цифрландыруды енгізуде.

"Цифрлық профилактика" ведомстволық бағдарламасы шеңберінде шақыру процесінің жекелеген элементтерін одан әрі автоматтандыру жоспарлануда:

әскерге шақырылушылардың аурулары мен жарақаттары туралы ақпаратқа қол жеткізу үшін Қорғаныс министрлігінің ақпараттық жүйелерін "Е-медициналық тексеру" медициналық жүйесімен интеграциялау. Жүйе қазірдің өзінде Астана, Шымкент, Алматы, БҚО және Жетісу облыстарында қолданылуда;
шақыру комиссиялары отырыстарының хаттамаларын цифрландыру. Жұманғариннің айтуынша, бұл қабылданатын шешімдердің заңдылығын қашықтықтан бақылауға мүмкіндік береді.

Сонымен қатар, азаматтар мен заңды тұлғалардың әскери есепке алуға байланысты рәсімдерге қатысуын барынша азайтуға бағытталған "Smart әскери комиссариат" жобасы іске асырылуда. Жоба аясында келесі процестер цифрландырылды:

тұрғылықты жерін ауыстырған кезде азаматтарды әскери есепке автоматты түрде қою;
әскери комиссариатта 17 жастағы жігіттерді автоматты түрде тіркеу (бұрын жеке қатысу және медициналық тексеру қажет болған, оған жыл сайын шамамен 1 млрд теңге жұмсалған);
шақыруды кейінге қалдыру немесе босатуды автоматты түрде беру (оқушылар, үйленген, балалары бар, мүгедектер, ауыл педагогтері үшін);
жәрдемақылар мен зейнетақыларды анықтамасыз ресімдеу үшін Еңбек және әлеуметтік қорғау министрлігімен жедел деректер алмасу, сондай-ақ жұмыс берушілерді қызметкерлерді қабылдау және жұмыстан шығару туралы ай сайынғы есептілік міндетінен босату.

Тақырып бойынша сілтемелер30 ҚыркүйекҚазақстанда төлемдердің жаңа санаты пайда болды: бұйрыққа қол қойылды