Қазақстанда АИ ұлттық платформасы пайда болады

Бұл құжат еліміз үшін алғашқы және маңызды қадамдардың бірі болмақ. Заң шеңберінде жасанды интеллектке байланысты жаңа құқықтық ұғымдар енгізіледі, сондай-ақ жасанды интеллекттің ұлттық платформасын құру көзделеді. Соңғы жылдары АИ тақырыбы әлемдік деңгейде белсенді талқылануда. Бұл технологиялар біздің күнделікті өмірімізге еніп қана қоймай, жаңа құқықтық нормаларды талап етеді. Қазақстан да бұл процестен тыс қалған жоқ. Жасанды интеллект адамды толығымен алмастыра алмайды, бірақ бұл әртүрлі мәселелердің шешімдерін табудың таптырмас құралы. АИ әзірлеу және енгізу үшін бірінші кезекте ұлттық платформа құру қажет, - деді ол Jibek Joly телеарнасының "Bugin Live" бағдарламасында.

Депутат бұл мәселеде деректердің қауіпсіздігі бірінші орында тұруы тиіс екенін атап өтті. Сондықтан заңнамада осы платформаға аудит жүргізу мүмкіндігі қарастырылған.

"Жасанды интеллект арқылы жасалған синтетикалық мазмұнды таңбалауға міндетті талап қойылды. Бұл шара азаматтардың ақпаратқа деген сенімін арттыруға бағытталған. Сонымен қатар, Заң адамның келісімінсіз мінез-құлқына әсер ету, эмоцияларды талдау немесе әлеуметтік мәртебе бойынша жіктеу сияқты бірқатар функцияларға тыйым салады. Жаңа заң, бір жағынан, инновациялық дамуға жол ашады, екінші жағынан, қоғамның қауіпсіздігін қамтамасыз етуге және азаматтардың құқықтарын қорғауға бағытталған. Бұл ретте авторлық құқық мәселелері де назардан тыс қалмады: жасанды интеллект көмегімен жасалған шығармашылық өнімдерге қатысты нақты нормалар енгізілді", - деді Унзила Шапак.