Қазақстанның құқық қорғау органдары қызметкерлерінің қайсысына тұрғын үйге төлемдер төленеді

Фото: экараганда

5 Қазан, 202513:38

«Казинформ»

Үкіметтің қаулысымен тұрғын үй төлемдерін алуға жататын құқық қорғау органдары мен азаматтық қорғау органдары лауазымдарының тізбесі бекітілді, деп хабарлайды kazinform агенттігінің тілшісі.

Тізімге мыналар кірді:

ҚР Бас прокуратурасының орталық аппараты

Сотқа дейінгі тергеу мен қылмыстық қудалаудың заңдылығын қадағалау қызметі;
Заңды күшіне енген үкімдердің заңдылығын және олардың орындалуын қадағалау қызметі;
Қоғамдық мүдделерді қорғау қызметі;
Сотқа дейінгі тергеу қызметі;
Халықаралық-құқықтық ынтымақтастық қызметі;
Кадр жұмысы департаменті;
Жеке қауіпсіздік департаменті;
Жедел-іздестіру, қарсы барлау қызметінің және жасырын тергеу әрекеттерінің заңдылығын қадағалау департаменті;
Қаржы департаменті;
Бас прокуратураның Құқықтық статистика және арнайы есепке алу комитеті;
Бас прокуратура активтерін қайтару комитеті және т. б.

Бұл ретте төлемдер функционалдық міндеттері іске асыру мәселелері болып табылатын лауазымдарға қолданылмайды:

тіл саясаты;
бұқаралық ақпарат құралдарымен және қоғаммен байланыс жөніндегі жұмыстар;
Құжаттамалық қамтамасыз ету, оның ішінде құпия;
кадрлық қамтамасыз ету (қызметтік, жауынгерлік және жұмылдыру даярлығын жүзеге асыруды қоспағанда);
қаржылық қамтамасыз ету;
ақпараттандыру, цифрландыру және ақпараттық ресурстарды қорғау;
материалдық-техникалық қамтамасыз ету.

Сонымен қатар, тізімге мыналар кіреді:

ҚР Қаржы мониторингі агенттігінің орталық аппараты;
ҚР Қаржы мониторингі агенттігінің аумақтық органдары.
ҚР ТЖМ орталық аппараты;
ТЖМ төтенше жағдайлардың алдын алу комитеті;
ТЖМ өртке қарсы қызмет комитеті;
Төтенше жағдайлар департаменттері (ТЖД);
ТЖД Төтенше жағдайлар басқармалары (бөлімдері);
ҚР ІІМ орталық аппараты;
ҚР ІІМ Қылмыстық-атқару жүйесі комитеті;
ҚР ІІМ есірткі қылмысына қарсы іс-қимыл комитеті;
ҚР ІІМ қарамағындағы ұйымдар (мемлекеттік мекемелер);
ҚР ІІМ аумақтық органдары;
ҚР ІІМ облыстардың, республикалық маңызы бар қалалардың және астананың көліктегі полиция департаменттері;
Криминалдық полиция, киберқылмысқа қарсы іс-қимыл, ұйымдасқан қылмысқа қарсы күрес, есірткі қылмысына қарсы іс-қимыл, экстремизмге қарсы іс-қимыл, тергеу, анықтау, жедел-криминалистикалық, өзіндік қауіпсіздік, арнайы және кәсіптік даярлық қызметтері.

Арнайы бөлімшелер:

"Арлан" арнайы мақсаттағы бөлімшелері;
Арнайы жедел әрекет ету отрядтары;
Жедел басқару орталығы;
Қалалық (аудандық, көліктегі) полиция басқармалары (бөлімдері), ҚР ІІМ полиция бөлімдері (бөлімшелері) ;
Жедел басқару орталығы, кезекші бөлім;
Патрульдік полиция, айдауыл қызметі, жолаушылар пойыздарын сүйемелдеу батальоны;
Уақытша ұстау изоляторлары, арнайы қабылдағыштар, қабылдағыш-таратқыштар;
Кинологиялық қызмет орталықтары және т. б.
Функционалдық міндеттері тылдық қамтамасыз етуді іске асыру мәселелері болып табылатын лауазымдар (жүргізуші-полицейлерді қоспағанда) ерекшелік болып табылады.

Тақырып бойынша сілтемелер5 ҚазанҚазақстандағы жағалау аумақтарынан 300 тонна қоқыс жиналды

Қаулы 2025 жылғы 7 қазаннан бастап күшіне енеді.