Көппәтерлі тұрғын үйлердің және олардың басқарушыларының тізілімін жүргізу қағидалары бекітілді

Ережеге сәйкес тұрғын үй инспекциясы қазақ және орыс тілдерінде электронды түрде жүргізеді:

- кондоминиум объектісін басқару нысандары және кондоминиум объектісін басқару субъектілері бойынша көппәтерлі тұрғын үйлердің тізілімі;

- кондоминиум объектісін басқару субъектілерінің және көппәтерлі тұрғын үйлерді басқарушылардың тізілімі.

Тізілімдер тұрғын үй инспекциясының интернет-ресурсында орналастырылады.

Тізілімдердегі мәліметтер мыналардың негізінде қалыптастырылады және өзектендіріледі:

- азаматтардың өтініштері;
- тұрғын үй инспекциясы жүзеге асыратын мемлекеттік бақылау нәтижелері бойынша;
- жұмыс істеп тұрған көппәтерлі тұрғын үйлерді мемлекеттік техникалық тексеру шеңберінде;
- тұрғын үй қорына түгендеу жүргізу және жұмыс істеп тұрған көппәтерлі тұрғын үйлерді есепке алу шеңберінде;
- кондоминиум объектісін басқару субъектілері жіберетін ақпарат.

Тізілімдерді жүргізу мыналарды қамтиды:

- оның мазмұнын өзектендіру тұрғысынан тізілімдерге мониторинг жүргізу;
кондоминиум объектісін басқару нысандары бойынша көппәтерлі тұрғын үйлер Тізілімінің мәліметтерін және кондоминиум объектісін басқару субъектілерін мүліктің меншік иелері бірлестігінің төрағасы, пәтерлердің, тұрғын емес үй-жайлардың барлық меншік иелері тікелей бірлесіп басқару кезінде және кондоминиум объектісін басқару субъектілері ұсынған мәліметтер өзгерген кезде, мүлік меншік иелері бірлестігі төрағасының, пәтерлердің барлық меншік иелерінің жазбаша өтініші болған күннен бастап 5 жұмыс күні ішінде жүзеге асырылатын тікелей бірлескен басқару кезіндегі тұрғын емес үй-жайлар және кондоминиум объектісін басқару субъектілері;

- кондоминиум объектісін басқару субъектілері мен көппәтерлі тұрғын үйлерді басқарушылар Тізілімінің мәліметтерін кондоминиум объектісін басқару субъектілері мен көппәтерлі тұрғын үйлерді басқарушылар ұсынған ақпарат негізінде жыл сайын тұрғын үй инспекциясы жүргізетін өзектендіру.

Бұйрық 2025 жылғы 10 қазаннан бастап қолданысқа енгізіледі.