"Дәрмек" жедел-алдын алу іс-шарасының қорытындысы ІІМ-де жарияланды

Сурет: polisia.kz

29 Қыркүйек, 202511:06 polisia.kz

22-26 қыркүйек аралығында ел аумағында есірткі құралдарының, психотроптық заттардың, прекурсорлардың, сондай-ақ улы және күшті заттардың заңды айналымын бақылауға бағытталған "Дәрмек" жедел-профилактикалық іс-шарасы өткізілді, деп хабарлайды Polisia.kz.

Есірткімен жұмыс істеу саласындағы заңнаманы бұзғаны үшін ҚК-нің 303-бабы бойынша медицина қызметкерлеріне қатысты 11 қылмыстық іс қозғалды, 278 әкімшілік құқық бұзушылық анықталды.

Тақырып бойынша сілтемелер29 ҚыркүйекҚарағанды облысында "бейне номенклатуралық іс" инновациялық жобасы таныстырылды

Заңсыз айналымнан құрамында есірткі бар шамамен 7 мың дәрілік зат және қос мақсаттағы тауарларға жататын 80 тонна улы зат тәркіленді.

Медицина саласында әкімшілік заңнаманы бұзудың 190-нан астам фактісі тіркелді, 202 медицина қызметкеріне қатысты материалдар жиналды, құрамында есірткі заттары бар 40 мыңға жуық таблетка, сондай-ақ 290 мың психотроптық таблетка мен 236 мың ампула тәркіленді. Республика бойынша барлығы 519 медициналық мекеме тексерумен қамтылды.

Өнеркәсіп саласында 60 бұзушылық анықталды,2 мың тонна прекурсорлардың айналымы шектелді, 20 заңды тұлға жауапкершілікке тартылды.

Ақтөбе облысында темір жол көлігімен Қытайдан олардың импортына мемлекеттік лицензиясыз 80 тоннадан астам улы заттар әкелінгені анықталды. Тәркіленгеннің жалпы сомасы 86 млн теңгені құрады. Аталған зат қос мақсаттағы тауарларға жатады.

Шығыс Қазақстан облысында ЖШС-нің бірінде күшті әсер ететін препараттарды рецептсіз сату тіркелген. 35 мыңнан астам "Прегабалина", "Зоника" және "Алиса"таблеткалары тәркіленді.

Батыс Қазақстан облысында қызметтің осы түріне лицензиясы жоқ өңірдің 40 жастағы тұрғынының тұрғылықты жерінен психотроптық препараттарды заңсыз сату фактісі анықталды.

Қарағанды облысында Астанадан Қарағандыға баратын автокөлікті тексеру барысында 240 мың теңгеден астам сомаға "Тропикамид", "прегабалин" және "Медазепам" 82 қаптамасы тәркіленді.

- ІІМ Есірткі құралдарының, психотроптық заттардың, прекурсорлардың және улы заттардың заңды айналымы саласындағы заңнаманы бұзғаны үшін әкімшілік және қылмыстық жауаптылық көзделгенін еске салады. Бұл бағыттағы жұмыс жалғасып, азаматтардың қауіпсіздігін қамтамасыз етуге және "Заң және тәртіп" қағидатын нығайтуға бағытталатын болады", - деп атап өтті ІІМ есірткі қылмысына қарсы іс-қимыл комитеті басқармасының бастығы Бақытжан Әмірханов.