Қарағанды облысында "бейне номенклатуралық іс" инновациялық жобасы таныстырылды

Қарағанды облысында полицияның қызметтік процестерін цифрландыруға және азаматтар үшін неғұрлым қолайлы жағдайлар жасауға бағытталған "бейне номенклатуралық іс" пилоттық жобасының тұсаукесері өтті.

Жұмыс сапарымен өңірге Қазақстан Республикасы Ішкі істер министрінің орынбасары Санжар Әділов келді. Сапар барысында ол ішкі істер органдарының қызметіне заманауи технологияларды енгізумен танысып, қалалық полиция басқармасына барды.

Полиция департаменті анықтау басқармасының бастығы Азамат Ахметов министрдің орынбасарына азаматтардың өтініштерін қағаз материалдарын дайындамай бейнежазба форматында ресімдеуге мүмкіндік беретін жаңа цифрлық сервисті ұсынды.

Жобаның артықшылықтары:

мұрағаттық құжаттарды сақтау қажеттілігі алынып тасталды;

қызметкерлер мен азаматтардың уақыты айтарлықтай үнемделді;

өтініштерді қарау жеделдетілді;

азаматтар үшін қолайлы жағдайлар қамтамасыз етілді - өтініштерді оқиға орнында онлайн рәсімдеуге болады.

Тұсаукесерге прокуратура, Құқықтық статистика және арнайы есепке алу комитетінің өкілдері, сондай-ақ олардың өңірлік бөлімшелері қатысты. Қазірдің өзінде пилоттық жоба өзінің тиімділігін дәлелдеді және жақын арада оны бүкіл ел бойынша кезең-кезеңімен енгізу жоспарлануда.

- Мемлекет басшысының тапсырмаларын орындау мақсатында ҚР ІІМ полиция жұмысына заманауи технологияларды белсенді енгізеді және қызметтік процестерді цифрлық форматқа толығымен аударады. "Бейне номенклатуралық іс" – бұл инновациялар біздің жұмысымызды азаматтар үшін неғұрлым жедел, ашық және ыңғайлы ететіндігінің мысалы, – деп атап өтті Ішкі істер министрінің орынбасары Санжар Әділов.