Сән-салтанат салығының орнына - ерекше ставкалар: қазақстандықтар үшін не өзгерді

Коллаж: Kazinform / DALL-E / Pixabay

14 Қыркүйек, 202519:33

«Казинформ»

Маңғыстау облысы бойынша Мемлекеттік кірістер департаменті ҚР 2025 жылғы 18 шілдедегі Салық кодексінде жеке "сән-салтанат салығы"көзделмегенін хабарлайды. Алайда жеке тұлғалар мүлкінің жекелеген түрлеріне салық салудың арнайы ережелері белгіленді, деп хабарлайды kazinform агенттігі.

Мүліктің келесі санаттары анықталды:

сатып алу құны 18 000 АЕК және одан жоғары автомобильдер (сатып алынған көлік құралының құнынан 10% ставка бойынша акциздер есептеледі);
сатып алу құны 24 000 АЕК және одан жоғары яхталар мен ұшақтар (сатып алынған көлік құралының құнынан 10% ставка бойынша акциздер есептеледі);
құны 500 000 теңгеден асатын алкоголь өнімі (литріне теңгемен құнының 10% акцизі есептеледі);
құны 10 000 теңгеден асатын Темекі бұйымдары (сигаралар) (акцизі дана үшін теңгемен құнының 10% есептеледі);
жиынтық құны (бір меншік иесіне тіркелген барлық объектілердің жалпы құны) 450 млн теңгеден асатын жылжымайтын мүлік (пәтер, тұрғын үй және т.б.) (мүлік салығы 2% мөлшерінде есептеледі).

Бұл ретте жылжымайтын мүліктің құнын жеке тұлғалар мүлкіне салынатын салықты есептеу мақсатында "Азаматтарға арналған үкімет" мемлекеттік корпорациясы " КЕАҚ айқындайтынын атап өту қажет. КЕАҚ анықтайтын салық салу объектілерінің құны осындай объектілердің нарықтық құнынан едәуір төмен.

КЕАҚ тұрғын үй мен саяжай құрылыстарының құнын есептеу кезінде бірлікке тең сән-салтанат коэффициенті де қолданылады. Бұл ретте жергілікті өкілді органдардың шешімі бойынша тұрғын үй құнын есептеу үшін сән-салтанат коэффициенті ұлғайтылуы мүмкін, бірақ 50% - дан аспайды.

Егер меншік құқығында бір тұлғаға тиесілі барлық салық салу объектілерінің жиынтық құны 450 млн теңгеден асатын болса, салық 2% ставка бойынша жиынтық құн негізге алына отырып есептеледі (салық сомасы 2 946 600 теңге + құны 450 млн теңгеден асатын 2%).

Бұл ретте жиынтық құны осы шегіне жетпейтін мүлікке әрбір объектінің құны бойынша жеке салық салынады.

Тақырып бойынша сілтемелер14 ҚыркүйекҚазақстанда 17 перинаталдық орталық жаңартылуда