Дала өрттерін сөндіру: ережеге өзгерістер енгізілді

Осылайша, өрттер анықталған кезде жергілікті атқарушы органдар мемлекеттік өртке қарсы қызметке хабарлайды және өртті сөндіруге ерікті өртке қарсы құралымдардың күштері мен құралдарын, сондай-ақ өрт сөндіру пункттерін тартуды ұйымдастырады.

Бұл ретте өртті сөндіру басшысы:

- өртті сөндіруге қатысатын тартылатын өрт сөндіру күштері мен құралдарына жалпы басшылықты жүзеге асырады;

- қойылған міндеттерді орындауға және өртті сөндіру бойынша жұмыстардың қауіпсіз жүргізілуін қамтамасыз етуге жауапты;

- өрт түрінің ерекшеліктерін, оның қарқындылығы мен мөлшерін, жер бедерін, ағымдағы және болжамды ауа райы жағдайларын, өрт сөндіру күштері мен құралдарының болуын ескере отырып, өртті сөндірудің тактикалық тәсілдерін, әдістері мен тәсілдерін таңдауды жүзеге асырады;

- өртті сөндіру бойынша іс-қимылдар жүзеге асырылатын аумақтың шекарасын, көрсетілген іс-қимылдар тәртібін белгілейді;

- қосымша күштер мен құралдарды шақыру қажеттілігін анықтайды;

- өрттегі жағдайдың өзгеруін үздіксіз бақылайды және тиісті шешімдер қабылдайды;

-өртті сөндіру үшін көлік және басқа да материалдық-техникалық құралдарды қоса алғанда, кәсіби салалық өртке қарсы қызметтердің және ерікті өртке қарсы құралымдардың күштері мен құралдарын тартады;

- өрт сөндіру жұмыстарын жүргізу кезеңінде цехтар мен объектілердің жұмысын тоқтатады, қауіпті аймақтан адамдарды, материалдық құндылықтарды эвакуациялауға өкім береді.

Өрттерді сөндіру кезінде жергілікті атқарушы органдар меншік нысанына қарамастан, тартылатын күштер мен құралдарды жанар-жағармай материалдарымен және тамақпен қамтамасыз ететіні көрсетіледі.

Бұйрық 2025 жылғы 14 қыркүйектен бастап қолданысқа енгізіледі.