Қарағанды облысында АӨК саласында 30 жоба жүзеге асырылуда

Сурет: gov.kz

10 Қыркүйек, 202514:39

Акимат Карагандинской области

Қарағанды облысында Агротехнологиялық хаб – орталық құрылады, онда озық ғылыми әзірлемелер, білім беру бағдарламалары мен бизнес-платформалар шоғырланатын болады. Ол ауыл шаруашылығының инновациялық өсуінің, өнімнің өнімділігі мен сапасын арттырудың драйвері, сондай-ақ білім мен технологияларды экспорттауға арналған платформа болуға тиіс, деп хабарлайды Қарағанды облысының әкімдігі.

Осакаров ауданында 28 мың тонна астыққа арналған заманауи элеватор салу жобасы іске асырылуда, бұл жақын маңдағы ауыл шаруашылығы құрылымдарының өндірілген өнімді тасымалдауға және сақтауға арналған шығыстарын қысқартуға мүмкіндік береді.

Қарағандыда өткен отырыста Президент Қасым-Жомарт Тоқаевтың "Қазақстан жасанды интеллект дәуірінде: цифрлық трансформация арқылы өзекті міндеттер мен олардың шешімдері"атты Жолдауы талқыланды. Онда Мемлекет басшысының Қарағанды облысында қойған міндеттерін іске асыру туралы айтылды.

Президент Қасым-Жомарт Тоқаев Қазақстан халқына Жолдауында елдің агроөнеркәсіптік кешенін трансформациялау бойынша нақты міндеттерді атап өтті. Басымдықтардың қатарында аграрлық ғылымды жаңғырту, Агротехнологиялық хабтар құру, экспортқа бағдарланған өндірісті дамыту, азық – түлік қауіпсіздігін қамтамасыз ету, саланы цифрландыру және ауыл шаруашылығы кооперациясын қолдау бар.

"Біздің өңір дамыған агроөнеркәсіптік секторы бар аумақ болып табылады. Бүгінде ауыл шаруашылығы тауарын өндірушілер егіс алқаптарын да, ірі қара мал басын да едәуір ұлғайтты. Біз 19 әлеуметтік маңызы бар азық – түлік тауарларының 14-ін өндіреміз, ал өнімнің 6 түрі бойынша толық өзін-өзі қамтамасыз етуге қол жеткіздік", - деді Қарағанды облысының әкімі Ермағанбет Бөлекпаев.

Өңірде ауыл шаруашылығы кооперациясы дамуда, Инфрақұрылым жаңғыртылуда, егіс алқаптары кеңеюде. Облыста АӨК саласында 23 миллиард теңгеден астам сомаға 30 жоба іске асырылуда. "Ауыл аманаты" бағдарламасы аясында 480-ден астам микрокредит берілді, 816 жұмыс орны құрылды, ондаған кооператив құрылуда.

Ауыл шаруашылығы өнімдерін терең өңдеу, климатқа төзімді технологияларды енгізу, агрономияны дамыту, кадрлар даярлау және ғылымды, білім мен өндірісті тікелей интеграциялау тетіктерін құру қажеттілігіне ерекше назар аударылды.

"Биылғы жылы қуаттылығы жылына 9 мың тонна сүтті құрайтын 1100 бас сүт-тауар фермасы және қуаттылығы жылына 200 тонна сүт өнімін өндіретін сүт өңдеу зауыты іске қосылды.

Қуаттылығы жылына 55 мың тонна сүтті құрайтын 6 мың бас ірі қара малға арналған сүт-тауар фермасы салынуда. Бұл жобаларды іске асыру жаңа жұмыс орындарын құруға және өңірдің азық-түлік тауарларымен қамтамасыз етілу деңгейін арттыруға мүмкіндік береді. Облыста өңдеу өнеркәсібі белсенді дамып келеді: ет, сүт, ұн тарту және нан-тоқаш өндірістерін қоса алғанда, 207 кәсіпорын жұмыс істейді. Осы факторлардың барлығы отандық инвесторларды ғана емес, шетелдік инвесторларды да тартады", - деп атап өтті облыс әкімінің орынбасары Руслан Кенжебеков.

Техникалық қайта жарақтандыруға көп көңіл бөлінеді: ауыл шаруашылығы техникасының паркі жаңартылуда, лизингтік қаржыландыру дамуда, ЖЖМ, тұқымдар, тыңайтқыштар мен асыл тұқымды малдарға арналған шығындар субсидияланады. Дәл егіншілік элементтері, цифрлық технологиялар және аграршыларды оқытудың заманауи тәсілдері енгізілуде.

Эпизоотиялық салауаттылықты қамтамасыз ету үшін өңірде профилактиканы, диагностиканы және инфрақұрылымдық дамуды қамтитын іс-шаралар кешені іске асырылуда. Модульдік ветеринарлық пункттер салынуда.

"Кешенді тәсілдің арқасында Қарағанды облысы мемлекет Басшысы қойған АӨК дамыту, азық – түлік, ветеринарлық, экологиялық қауіпсіздікті арттыру және ел экономикасын нығайту жөніндегі стратегиялық міндеттерді орындауы тиіс", - деп атап өтті Руслан Кенжебеков.

Тақырып бойынша сілтемелер8 ҚыркүйекКөктемде картоптың сату бағасы кг үшін 185 теңгеден аспайды - Ауыл шаруашылығы министрлігі