Тоқаев Қазақстандағы ТКШ-ның ауыр жағдайының себептерін атады

Мемлекет басшысы тұрғын үй-коммуналдық және су инфрақұрылымын жаңғырту және цифрландыру бірінші кезектегі міндет екенін атап өтті.

"Үкімет пен жергілікті атқарушы органдардың әрекетсіздігіне байланысты ондаған жылдар бойы елдің тұрғын үй-коммуналдық шаруашылығы біртіндеп ауыр жағдайға жетті. Қазір жағдайды өзгерту және инфрақұрылымның тозуын төмендетуге қол жеткізу үшін, оның ішінде тарифтердіераықтандыру, ТКШ энергетикасы мен инфрақұрылымын басқарудың жаңа моделін құру арқылы шұғыл шаралар қабылдануда. Мұндай модель тарифтердің өсуіне сәйкес қызметтердің сенімділігі мен сапасын арттыруы тиіс", – деп жалғастырды Тоқаев.

Президенттің пікірінше, ақылды қалалар құру тұжырымдамасы бұған көмектеседі.

"Барлық өңірлерде үздік халықаралық тәжірибелерді тарта отырып және құзыретті басқарушыларды, оның ішінде шетелдік басқарушыларды шақыра отырып, масштабтау қажет. Қазіргі жағдайда тұрғын үй-коммуналдық шаруашылықты жаңғырту мемлекет пен бизнестің серіктестігінсіз мүмкін емес-бұл аксиома. ТКШ-ның кейбір объектілерін әкімдіктердің теңгерімінде сақтаудың орындылығын жаңаша қарастыру қажет. Мемлекет саланы бақылауға және реттеуге назар аударуы тиіс, ал инфрақұрылымды жаңғырту және технологияларды енгізу жеке сектордың міндеті болуы тиіс", – деді Тоқаев.

Мемлекет басшысы билік құрылымдары негізінен цифрлық құралдарды пайдалана отырып, инфрақұрылымдық жобалардың ашықтығын қамтамасыз етуге міндетті екенін атап өтті, бұл азаматтардың Үкімет пен әкімдіктерге деген сенімін нығайтатыны сөзсіз.