Көлік полицейлері ОПМ аясында қатаң бақылау жүргізді

 26-28 тамыз аралығында көлікте полиция департаментінің қызмет көрсету аумағында "Құқықтық тәртіп" жедел-профилактикалық іс-шарасы өткізіледі. Оның мақсаты-қоғамдық тәртіпті сақтау, құқық бұзушылықтардың алдын алу және жолын кесу.

Іс-шараның екі күнінде ғана көлік полициясының қызметкерлері 10 қылмысты тіркеді, 11 іздеуде жүрген қылмыскерді ұстады, сондай-ақ 1010 құқық бұзушылық анықталды.

Олардың ішінде: жалпы пайдалану орындарының ластануы – 174 факт; қоғамдық орындарда алкогольдік ішімдіктерді ішу – 75 факт; кәмелетке толмағандардың түнгі уақытта ойын – сауық орындарында және заңды өкілдерінің еріп жүруінсіз тұрғын үйден тыс жерде болуы – 52 факт; ұсақ бұзақылық – 12 факт; шетелдіктердің көші-қон заңнамасын бұзуы-75 факт.

Мәселен, Маңғыстау станциясында желілік полиция бөлімінің қызметкерлері еңбек қызметін заңсыз жүзеге асырған көрші мемлекеттің 10 азаматын ұстады. Бұзушыларға қатысты хаттамалар жасалды. Материалдар процессуалдық шешім қабылдау үшін сотқа жіберілді.

Сонымен қатар, Шымкент қаласының халықаралық әуежайында және "Нұрлы жол" станциясының теміржол вокзалында жақын шетелдің бес азаматы анықталды. Сот шешімі бойынша олардың әрқайсысына жаза тағайындалды.

Көліктегі полиция департаменті "Құқықтық тәртіп" ОПМ өткізу азаматтардың қауіпсіздігін қамтамасыз етуге және қоғамдық орындардағы құқық бұзушылықтарға төзбеушілікті қалыптастыруға бағытталғанын еске салады.