Қарағанды облысында сотталғандар арасында футбол турнирі өтті

№ 29 мекеменің стадионында тарихта тұңғыш рет Қазақстан Республикасы Конституциясының 30 жылдығына орай сотталғандар арасында футбол турнирі өтті. Іс-шараны ұйымдастыруды Қарағанды облысының пенитенциарлық жүйесі мекемелеріндегі заңдылықты қадағалау жөніндегі мамандандырылған прокуратура, сондай-ақ Қарағанды және Ұлытау облыстары бойынша қылмыстық-атқару жүйесі департаменті қолдады.

Турнирге № 29, № 30, № 31 және № 35 мекемелерден сотталғандардың командалары қатысты. Төрешілікті "Жігер" стадионының директоры, бірінші санатты футбол жаттықтырушысы және Абай қаласының футбол командасының кәсіби ойыншылары қамтамасыз етті.

Турнирдің басты мақсаты-спорттық рухты нығайту, командалық бірлікті дамыту, салауатты өмір салтын насихаттау және сотталғандар арасында әділ ойын қағидаттарын ілгерілету.

Футбол тек жарысқа ғана емес, сонымен қатар нағыз мерекеге айналды, қатысушыларға өз дағдыларын көрсетуге, жолдастарының қолдауын сезінуге және бірлік пен әділеттілік рухына қол тигізуге мүмкіндік берді.