AITU мессенджері Қазақстанның барлық мемлекеттік органдары мен квазимемлекеттік секторына енгізіледі

Күн тәртібінде төрт мәселе қаралды. ҚР цифрлық даму, инновациялар және аэроғарыш өнеркәсібі министрі Жаслан Мәдиев баяндама жасады.

• мемлекеттік органдардың ақпараттық жүйелерін интеграциялаудың кешенді жоспары бекітілді;
• жасанды интеллект үшін деректер массивтерімен жұмыс істеу регламенті және оны іске асыру жоспары бекітілді;
• "Smart Data Ukimet" мемлекеттік деректерді шоғырландыру бойынша жұмыстарды аяқтау мерзімдері айқындалды. А. ж. 1 қыркүйегіне дейін хэштеудің жаңа әдісі бойынша интеграция, а. ж. 1 желтоқсанына дейін барлық деректерді платформаға беру;
• ағымдағы жылдың 15 қыркүйегіне дейін мемлекеттік органдар қызметкерлерінің AITU ұлттық мессенджеріне ауысуы.

Премьер-министр жұмысқа қабылданған құжаттарды сапалы және уақтылы енгізудің маңыздылығын атап өтті.

"Мемлекет басшысы Қазақстан Еуразиядағы цифрлық хабқа айналу мақсатын белгіледі. Нақты міндеттер анықталды. Бүгін цифрлық Штаб барлық мемлекеттік органдар мен ұйымдар үшін міндетті шешімдер қабылдады. Нәтижесі ақпараттық қауіпсіздікті арттыруға және мемлекеттік аппарат жұмысының тиімділігін арттыруға бағытталған", - деп атап өтті Олжас Бектенов.

Мемлекеттік органдардың ақпараттық жүйелерін интеграциялаудың кешенді жоспары 224 ақпараттық компоненттер үшін платформа болады. Бұл интеграцияның еңбек шығындарын қысқартуға, функционалдылық пен статистикадағы айырмашылықтар бөлігінде ақпараттық жүйелердің қайталану мәселесін шешуге мүмкіндік береді. Бүгінгі таңда "электрондық үкіметтің" архитектурасында мемлекеттік органдар мен квазимемлекеттік сектор ұйымдарының 355-тен астам ақпараттық жүйелері мен веб-ресурстары жұмыс істейді.

Жасанды интеллект үшін деректер массивтерімен жұмыс істеу регламенті және оны іске асыру жоспары бекітілді. Құжат шеңберінде АИ технологияларын дамыту үшін датасеттерді қалыптастыру мәселесі қаралды. Бұл регламент ақпаратты жинаудың, тексерудің және құрылымдаудың бірыңғай стандарттарын көздейді.

Smart Data Ukimet платформасында мемлекеттік деперсонификацияланған деректерді шоғырландыру жөніндегі жұмыс шеңберінде Smart Data Ukimet-ке міндетті түрде беруге жататын деректер базаларының тізбесі бекітілді.

AITU ұлттық мессенджерін ауқымды енгізу мәселесі қаралды. Оның пилоттық пайдалануы цифрлық даму, инновациялар және аэроғарыш өнеркәсібі министрлігінде өтті, енді сервис квазимемлекеттік сектордың барлық мемлекеттік органдары мен ұйымдарында енгізілетін болады.