#КүшiмiзБiрлiкте

Оқиғалар лентасы

Кеше
22 Наурыз
21 Наурыз

Сауалнама

Қарағандылықтар, сіз супермаркеттерде азық-түлік бағасының өскенін байқадыңыз ба?
  • Әрине. Ол қазірдің өзінде қалтасын айтарлықтай ұрады;(248)
  • Мен айырмашылықты сезбедім/а(1395)

Қазақстандағы өңірлердің қала құрылысын жоспарлау ережелері жаңартылды

Қазақстандағы өңірлердің қала құрылысын жоспарлау ережелері жаңартылды Сурет: Freepik
«Казинформ»

Үкіметтің 2025 жылғы 30 шілдедегі қаулысымен өңірлердің аумақтарын қала құрылысын жоспарлаудың кешенді схемаларын әзірлеу және келісу қағидаларына өзгерістер енгізілді, деп хабарлайды kazinform агенттігінің тілшісі. 

Ережелер жаңа редакцияда көрсетілген.
 
"Өңірлердің аумақтарын қала құрылысын жоспарлаудың кешенді схемаларын әзірлеу бойынша Тапсырыс беруші сәулет, қала құрылысы және құрылыс істері жөніндегі жергілікті атқарушы орган болып табылады. Тапсырыс беруші әзірлеушіні (бас жобалаушыны) Мемлекеттік сатып алу туралы заңнамаға сәйкес айқындайды", - делінген құжатта. 
 
Кешенді схеманы ҚР аумағын ұйымдастырудың Бас схемасына және аумақты дамытудың тиісті өңіраралық схемасына сәйкес лицензиясы бар жобалау ұйымы әзірлейді.
 
Кешенді схема осы өңірдің аумағындағы әлеуметтік-экономикалық, өндірістік-шаруашылық және табиғи-климаттық жағдайларды ескере отырып, мемлекеттік қала құрылысы саясатының мақсаттарын, оны аймақтарға бөлуді айқындайды, сондай-ақ осы өңірдің аумағындағы:
 
  • қоныстандыру жүйесін жетілдіру;
  • елді мекендерді, өндірістік, көліктік, инженерлік, әлеуметтік және рекреациялық инфрақұрылымдарды дамыту;
  • аумақтарды табиғи және антропогендік, техногендік құбылыстар мен процестердің қауіпті (зиянды) әсерінен қорғау;
  • экологиялық жағдайды қала құрылысы құралдарымен және әдістерімен жақсарту;
  • тарихи-мәдени мұра объектілерін және (немесе) қорғалатын ландшафтық объектілерді сақтау;
  • су объектілерін ластанудан, бітелуден, сарқылудан қорғау.
 
Аумақтарды пайдалануға шектеулерді ескере отырып, аумақтарды функционалдық аймақтарға бөлу және оларды пайдалану қарқындылығы айқындалады.
 
Кешенді схема осы өңірдегі елді мекендердің, қала маңындағы аймақтардың шекараларын белгілеу, резервтік аумақтарды қоса алғанда, аумақты кешенді дамыту үшін ресурстармен қамтамасыз ету жөніндегі ұсыныстарды, сондай-ақ аумақтық көліктік жоспарлау және жол жүрісін ұйымдастыру жөніндегі ұсыныстарды қамтиды.
 
Тапсырыс беруші әзірлеушінің (бас жобалаушының) қатысуымен жобалауға тапсырма жасайды.
 
Жобалауға арналған тапсырмаға қойылатын жалпы талаптар және бастапқы деректер тізбесі сәулет, қала құрылысы және құрылыс саласындағы мемлекеттік нормативтермен (құрылыс нормалары мен қағидалар жинағымен) белгіленеді.
 
Тапсырыс беруші жобалауға бұрын берілген тапсырманы немесе бастапқы деректерді өзгерткен кезде осы жұмыстарға ақы төлеуді Тапсырыс беруші осы уақытқа дейін толық немесе ішінара орындалған жобалау жұмыстарын ескере отырып, қосымша шарт (келісім) бойынша жүргізеді.
 
Кешенді схеманы әзірлеу мерзімі, құрамы мен мазмұны сәулет, қала құрылысы және құрылыс саласындағы мемлекеттік нормативтерге сәйкес айқындалады.
 
Кешенді схеманы әзірлеу кезінде тиісті облыстың немесе оның бір бөлігінің аумағында тарих, археология, қала құрылысы және сәулет ескерткіштерінің, монументалды өнердің орналасу карталары-схемалары әзірленетіні көрсетіледі.
 
Кешенді схемада мемлекеттік табиғи-қорық қорының жылжымайтын тарих және мәдениет ескерткіштерін және объектілерін қорғау аймақтары (қорғау аймақтары, құрылыс салуды реттеу аймақтары және қорғалатын табиғи ландшафт аймақтары) ескерілуі тиіс.
 
Осы мақсатта жобалар құрамында орындалатын графикалық материалдарға ескерткіштерді қорғау аймақтарының қажетті элементтері жазылуы тиіс, ал түсіндірме жазбаларда осы аймақтардың белгіленген режимін қамтамасыз ететін талаптар көрсетілуі тиіс.
 
Қалалар мен ауылдық елді мекендер қолайсыз табиғи жағдайлары бар аумақта орналасқан жағдайларда кешенді схема құрамында аумақты инженерлік дайындау, аумақты және аталған елді мекендерді табиғи және адамның шаруашылық қызметінен туындаған қауіпті геологиялық және гидрогеологиялық процестерден қорғау бойынша жобалық шешімдер әзірленеді.
 
Курорттық ресурстары бар облыстар мен аудандар, курорттық қалалар және курорттық үлгідегі басқа да елді мекендер үшін жобалау жұмыстары аумақты функционалдық медициналық аймақтарға бөлу, курорттық және рекреациялық ресурстарды бағалау, сондай-ақ курорттардың белгіленген санитарлық аймақтары жөніндегі материалдарды ескере отырып орындалуы тиіс.
 
Қағидалар сондай-ақ өңірлердің аумақтарын қала құрылысын жоспарлаудың кешенді схемаларын келісу тәртібін белгілейді.
 

Қаулы 2025 жылғы 16 тамыздан бастап қолданысқа енгізіледі. 

    • Тарату: 






    Жаңалықтар ұсыныңыз
            Біз әлеуметтік желілерде
            EKaraganda.kz - Қарағандының бүкіл өмірі бір сайтта