Қазақстанда автогаз бағасы 1 тамыздан бастап өсті

1 тамыздан бастап Қазақстан өңірлерінде АГҚС газына мынадай бағалар қолданылатын болады: 

- Астана және Алматы қалалары – литріне 112 теңге (102 теңге болды);
Ақтөбе, Атырау, Батыс Қазақстан облыстары-85 теңге (77 теңге болды);

- Шымкент қ., Ақмола, Алматы, Шығыс Қазақстан, Қарағанды, Қостанай, Павлодар, Солтүстік Қазақстан облыстары, сондай-ақ Абай, Жетісу және Ұлытау облыстары-112 теңге (102 теңге болды);

- Жамбыл, Қызылорда, Түркістан облыстары - 102 теңге (90 теңге болды);

- Маңғыстау облысы-72 теңге (65 теңге болды).

Бұйрық 2025 жылғы 1 тамыздан бастап қолданысқа енгізіледі.

Бұдан басқа, Қазақстанда сұйытылған мұнай газын ішкі нарыққа көтерме саудада өткізудің шекті бағасы 2025 жылғы 1 тамыз бен 2025 жылғы 31 желтоқсан аралығындағы кезеңге ҚҚС-сыз тоннасына 51 932 теңгеден 59 722 теңгеге дейін өсті.

Энергетика министрлігі тиісті түзетулер енгізді, олар 1 тамыздан бастап қолданысқа енгізілді.